డీకే ప్రమాణ స్వీకారానికి రేవంత్‌రెడ్డి హాజరు

కర్ణాటక ముఖ్యమంత్రిగా డీకే శివకుమార్‌ ప్రమాణ స్వీకార కార్యక్రమానికి తెలంగాణ సీఎం రేవంత్‌రెడ్డి హాజరయ్యారు.

హైదరాబాద్‌, జూన్‌ 3 (నమస్తే తెలంగాణ) : కర్ణాటక ముఖ్యమంత్రిగా డీకే శివకుమార్‌ ప్రమాణ స్వీకార కార్యక్రమానికి తెలంగాణ సీఎం రేవంత్‌రెడ్డి హాజరయ్యారు. బుధవారం ఉదయం మంత్రి పొన్నం ప్రభాకర్‌తో కలిసి బెంగళూర్‌ వెళ్లిన సీఎం రేవంత్‌రెడ్డి.. సాయంత్రం జరిగిన ప్రమాణ స్వీకారోత్సవంలో పాల్గొన్నారు. డీకే శివకుమార్‌కు రేవంత్‌రెడ్డి అభినందనలు తెలిపారు. ఈ కార్యక్రమానికి ఉప ముఖ్యమంత్రి భట్టి విక్రమార్క, మంత్రి పొంగులేటి కూడా హాజరయ్యారు.