IPE Director | ఐపీఈ డైరెక్టర్‌గా ప్రొఫెసర్‌ లింబాద్రి బాధ్యతల స్వీకరణ

IPE Director | ఇన్‌స్టిట్యూట్ ఆఫ్ పబ్లిక్ ఎంటర్‌ప్రైజ్ హైదరాబాద్‌ డైరెక్టర్‌గా ప్రొఫెసర్ ఆర్. లింబాద్రి బాధ్యతలు స్వీకరించారు.

హైదరాబాద్‌ : ఇన్‌స్టిట్యూట్ ఆఫ్ పబ్లిక్ ఎంటర్‌ప్రైజ్ (IPE) హైదరాబాద్‌ డైరెక్టర్‌గా ప్రొఫెసర్ ఆర్. లింబాద్రి ( Limbadri ) బాధ్యతలు స్వీకరించారు. ఆయన తెలంగాణ ఉన్నత విద్యా మండలి (TGCHE) ఛైర్మన్‌గా, తెలంగాణ విశ్వవిద్యాలయం రిజిస్ట్రార్‌గా , ఉస్మానియా విశ్వవిద్యాలయంలోని పబ్లిక్ అడ్మినిస్ట్రేషన్ విభాగంలో సీనియర్ ప్రొఫెసర్‌గా,  హైదరాబాద్‌ లోని డాక్టర్ బి. ఆర్. అంబేద్కర్ విద్యా సంస్థల ముఖ్య కార్యనిర్వహణాధికారి (CEO) వంటి పలు విశిష్ట పదవులను నిర్వహించారు.

ప్రస్తుతం ఆంధ్రప్రదేశ్ కేంద్ర విశ్వవిద్యాలయంలో విద్యార్థుల ఫిర్యాదుల పరిష్కార కమిటీకి అంబుడ్స్‌పర్సన్‌గా పనిచేస్తున్నారు. విస్తృతమైన విద్యా అనుభవం, పరిపాలనా నైపుణ్యం , సంస్థ యొక్కవిద్యా నైపుణ్యాన్ని, పరిశోధనా కార్యక్రమాలను , సంస్థాగత అభివృద్ధిని మరింత ముందుకు తీసుకెళ్లడంలో లింబాద్రి సేవలందిస్తారని ఇన్‌స్టిట్యూట్ ఆఫ్ పబ్లిక్ ఎంటర్‌ప్రైజ్ సంస్థ అభిప్రాయాన్ని వ్యక్తం చేసింది.