Oxford dictionary | ఆక్స్ఫర్డ్ యూనివర్సిటీ.. తెలుగు – ఇంగ్లిష్ ద్విభాషా నిఘంటువును బుధవారం అందుబాటులోకి తెచ్చింది. తెలుగు భాషా దినోత్సవం సందర్భంగా ఈ నిఘంటువు (డిక్షనరీ)ను వర్సిటీ ప్రెస్ ఇండియా ఎండీ సుమంత దత్తా ఆవిష్కరించారు. ఆంగ్లభాషలో పట్టుసాధించాలనుకొనే వారికి ఈ డిక్షనరీ ఉపయోగకరంగా ఉంటుందని ఆమె చెప్పారు. వస్త్ర కళలో వినియోగించే కళంకారి డిజైన్తో ఈ డిక్షనరీ ముఖ చిత్రాన్ని రూపొందించారు.
తెలుగులో వాటి వివరణాత్మకమైన, అనువాదాలతో 27వేల పదాలు, పదబంధాలు, సామెతలు ఇందులో ఉన్నాయి. ఇందులో 1,100 పైగా పర్యాయపదాలు, వ్యతిరేక పదాలకు చోటు కల్పించారు. ఈ డిక్షనరీని గురుకులాల్లోని విద్యార్థులకు అందజేస్తున్నారు. 12 భారతీయ భాషల్లో ఈ డిక్షనరీలను ఆక్స్ఫర్డ్ ప్రచురిస్తున్నది.