7 నుంచి హకీంపేటలో మెగా రైతుమేళా: తుమ్మల

రైతుల ఆదాయం పెంచి, వ్యవసాయాన్ని లాభసాటిగా మార్చడమే లక్ష్యంగా ప్రభుత్వం పనిచేస్తున్నదని వ్యవసాయశాఖ మంత్రి తుమ్మల నాగేశ్వరరావు తెలిపారు. శుక్రవారం సచివాలయంలో మంత్రి విలేకరులతో మాట్లాడారు.

హైదరాబాద్‌, నవంబర్‌ 6 (నమస్తే తెలంగాణ): రైతుల ఆదాయం పెంచి, వ్యవసాయాన్ని లాభసాటిగా మార్చడమే లక్ష్యంగా ప్రభుత్వం పనిచేస్తున్నదని వ్యవసాయశాఖ మంత్రి తుమ్మల నాగేశ్వరరావు తెలిపారు. శుక్రవారం సచివాలయంలో మంత్రి విలేకరులతో మాట్లాడారు.

వ్యవసాయ రంగాన్ని బలోపేతం చేసేందుకు ప్రభుత్వం అనేక కార్యక్రమాలు చేపడుతున్నదని, ఇందులో భాగంగా ఈ నెల 7నుంచి 9వ తేదీ వరకు కొడంగల్‌ నియోజకవర్గంలోని దుద్యాల మండలం హకీంపేటలో మెగా రైతు మేళా నిర్వహిస్తున్నట్టు వెల్లడించారు. 7న సీఎం రేవంత్‌రెడ్డి మేళాను ప్రారంభిస్తారని, 8న స్వయం సహాయక సంఘాల మహిళలతో సమావేశమవుతారని, 9న పది జిల్లాల నుంచి వచ్చే సుమారు 50 వేల మంది రైతులతో బహిరంగ సభలో ప్రసంగిస్తారని తెలిపారు.