గొప్ప చెఫ్‌ను కాదు.. చిన్న వంట చేసుకోగలను.. కేటీఆర్‌

వంట చేస్తున్న ఫొటోలు ఎక్స్‌లో షేర్‌.. ‘గెట్‌వెల్‌సూన్‌' అంటూ పలువురి పోస్టులు

హైదరాబాద్‌, అక్టోబర్‌ 9 (నమస్తేతెలంగాణ): తాను గొప్ప చెఫ్‌ను కాదని.. కానీ చిన్నచిన్న వంటలను స్వయంగా చేసుకోగలనని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సరదాగా పేర్కొన్నారు. తాను వంట చేస్తున్న చిత్రాలను శుక్రవారం ఎక్స్‌లో పోస్ట్‌ చేయగా అవి వైరల్‌ అయ్యాయి. ‘జ్వరంతో బాధపడుతున్న.. ఈ సమయాన్ని రెస్ట్‌ తీసుకోవడానికి, కుటుంబంతో గడిపేందుకు ఒక అవకాశంగా వాడుకుంటున్న..’ అని కేటీఆర్‌ పేర్కొన్నారు.

‘నేను గొప్ప వంటకాడిని కాదు.. కానీ చిన్నచిన్న వంటలు చేసుకోగలను.. నా ప్లేట్లు నేనే కడుక్కోగలను.. ఇందుకు ఎంతో గర్వంగా ఉన్నది’ అని పోస్ట్‌ చేశారు. కేటీఆర్‌ చేసిన పోస్ట్‌కు సోషల్‌మీడియాలో మంచి రెస్పాన్స్‌ వచ్చింది. ప్రముఖుల నుంచి సామాన్య కార్యకర్తల దాకా ‘గెట్‌ వెల్‌ సూన్‌..’అంటూ ఆకాంక్షించారు.