17, 24 తేదీల్లో పాస్‌పోర్ట్‌ సేవల డ్రైవ్‌

పాస్‌పోర్ట్‌ ప్రత్యేక సేవల కోసం శనివారం నిర్వహించిన డ్రైవ్‌ విజయవంతంగా ముగిసిందని హైదరాబాద్‌ రీజినల్‌ పాస్‌పోర్ట్‌ ఆఫీసర్‌ దాసరి బాలయ్య శనివారం తెలిపారు.

హైదరాబాద్‌ సిటీబ్యూరో, డిసెంబర్‌ 10 (నమస్తే తెలంగాణ): పాస్‌పోర్ట్‌ ప్రత్యేక సేవల కోసం శనివారం నిర్వహించిన డ్రైవ్‌ విజయవంతంగా ముగిసిందని హైదరాబాద్‌ రీజినల్‌ పాస్‌పోర్ట్‌ ఆఫీసర్‌ దాసరి బాలయ్య శనివారం తెలిపారు.

తతాల్‌ క్యాటగిరీ కింద పాస్‌పోర్ట్‌ దరఖాస్తుల సమర్పణ కోసం ఎక్కువ సమయం నిరీక్షించకుండా హైదరాబాద్‌తోపాటు నిజామాబాద్‌, కరీంనగర్‌ పాస్‌పోర్ట్‌ సేవా కేంద్రాలు సేవలు అందించాయని పేర్కొన్నారు. 3,741 అపాయింట్‌మెంట్స్‌ పూర్తిచేసినట్టు వెల్లడించారు. అన్ని పీఎస్‌కే, పోస్టాఫీస్‌ పాస్‌పోర్ట్‌ సేవా కేంద్రాల్లో ఈ నెల 17, 24 (శనివారం) తేదీల్లో కూడా దరఖాస్తులను ప్రాసెస్‌ చేయనున్నట్టు తెలిపారు.