హైదరాబాద్‌కు రుచుల రాజధానిగా గుర్తింపు.. గోవాలో అవార్డు అందుకున్న మంత్రి జూపల్లి

పర్యాటక రంగంలో తెలంగాణ మరో అరుదైన ఘనత సాధించింది. తనదైన ప్రత్యేక వంటకాలతో ప్రపంచవ్యాప్తంగా గుర్తింపు పొందిన హైదరాబాద్‌ నగరం, తాజాగా ‘నేషనల్‌ కలినరీ డెస్టినేషన్‌' అవార్డును కైవసం చేసుకున్నది.

హైదరాబాద్‌, జూన్‌ 15 (నమస్తే తెలంగాణ): పర్యాటక రంగంలో తెలంగాణ మరో అరుదైన ఘనత సాధించింది. తనదైన ప్రత్యేక వంటకాలతో ప్రపంచవ్యాప్తంగా గుర్తింపు పొందిన హైదరాబాద్‌ నగరం, తాజాగా ‘నేషనల్‌ కలినరీ డెస్టినేషన్‌’ అవార్డును కైవసం చేసుకున్నది. సోమవారం గోవా వేదికగా జరిగిన ఇండియా టుడే టూరిజం సదస్సులో ఈ ప్రతిష్టాత్మక అవార్డును ప్రకటించారు.

కేంద్ర మంత్రి గజేంద్రసింగ్‌ షెకావత్‌ చేతుల మీదుగా మంత్రి జూపల్లి కృష్ణారావు అవార్డు అందుకున్నారు. హైదరాబాద్‌కు లభించిన ఈ గౌరవం నగరానికి ఉన్న గొప్ప ఆహార వారసత్వానికి ప్రతీక అని మంత్రి జూపల్లి అన్నారు.