Guideline | ప్రొఫెసర్లు, అసోసియేట్‌ ప్రొఫెసర్ల నియామకంపై వైద్యారోగ్యశాఖ మార్గదర్శకాలు..!

Guideline | ఆర్థిక‌, వైద్యారోగ్య శాఖ‌ మంత్రి త‌న్నీరు హ‌రీశ్ రావు ఆదేశాల మేర‌కు డీఎంఈ ప‌రిధిలోని ప్రొఫెస‌ర్లు, అసోసియేట్ ప్రొఫెస‌ర్లు, అసిస్టెంట్ ప్రొఫెస‌ర్ల బ‌దిలీల‌కు వైద్యారోగ్య శాఖ మార్గదర్శకాలు విడుద‌ల చేసింది.

Guideline | ఆర్థిక‌, వైద్యారోగ్య శాఖ‌ మంత్రి త‌న్నీరు హ‌రీశ్ రావు ఆదేశాల మేర‌కు డీఎంఈ ప‌రిధిలోని ప్రొఫెస‌ర్లు, అసోసియేట్ ప్రొఫెస‌ర్లు, అసిస్టెంట్ ప్రొఫెస‌ర్ల బ‌దిలీల‌కు వైద్యారోగ్య శాఖ మార్గదర్శకాలు విడుద‌ల చేసింది. ముఖ్యమంత్రి కేసీఆర్ ఆదేశాల మేరకు.. ఆరోగ్య తెలంగాణ సాకారం చేసేందుకు కృషి చేయాలని మంత్రి హరీశ్ రావు ఈ సందర్బంగా ఆకాంక్షించారు. ప్రస్తుతం ప‌నిచేస్తున్న చోట క‌నీసం రెండేళ్ల స‌ర్వీస్ పూర్తయిన వారు మాత్రమే ద‌ర‌ఖాస్తుకు అర్హులని వైద్యారోగ్యశాఖ మార్గదర్శకాల్లో పేర్కొంది.

రాష్ట్ర ప్రభుత్వం కొత్తగా ఏర్పాటు చేసిన 17 మెడిక‌ల్ కాలేజీల్లోని ఖాళీల‌ను మాత్రమే బ‌దిలీల ద్వారా భ‌ర్తీ చేయనున్నారు. ఒక‌వేళ బ‌దిలీ కోసం పెట్టుకున్న ద‌ర‌ఖాస్తులు 17 కాలేజీల్లోని ఖాళీల క‌న్నా ఎక్కువ‌గా ఉంటే.. న‌ల్గొండ‌, సూర్యాపేట‌, సిద్దిపేట‌, మ‌హ‌బూబ్ న‌గ‌ర్‌, ఆదిలాబాద్ రిమ్స్ లో ఖాళీల్లో భ‌ర్తీ చేస్తారు. కౌన్సెలింగ్ సంద‌ర్భంగా ఉస్మానియా, గాంధీ, కాక‌తీయ (వ‌రంగ‌ల్‌), నిజామాబాద్ మెడిక‌ల్ కాలేజీల్లోని ఖాళీల‌ను ఎట్టిప‌రిస్థితుల్లోనూ ప్రద‌ర్శించ‌రు. ఒక పోస్ట్ కు ఒక‌రిక‌న్నా ఎక్కువ మంది ద‌ర‌ఖాస్తు చేస్తే స్పౌజ్, అంగ‌వైక‌ల్యం, బుద్ధిమాంద్యం పిల్లలు, కారుణ్య నియామకాలు, కుటుంబ స‌భ్యుల్లో తీవ్ర అనారోగ్య స‌మ‌స్యలు వంటి అంశాల ఆధారంగా ప్రాధాన్యం నిర్ణయిస్తారని మార్గదర్శకాల్లో ప్రభుత్వం పేర్కొంది.