Bagless Day | బ్యాగ్‌లెస్‌ డే.. ఆటపాటల సందడే!

భుజాన బడి సంచిలేదు. పుస్తకాలు లేనే లేవు. నోట్‌ పుస్తకాలు, హోంవర్క్‌ హడావుడి అసలే లేదు. చెట్టాపట్టాలేసుకొని చిన్నారులు వచ్చారు. ఆటపాటలతో సందడి చేశారు.. ఇదీ శనివారం బ్యాగ్‌లెస్‌ డేలో భాగంగా పాఠశాలల్లో కనిపించిన వాతావరణం. ఈ విద్యా సంవత్సరం నుంచి నెలలో నాలుగో శనివారం బడుల్లో బ్యాగ్‌లెస్‌ డేను పాటించాలని నిర్ణయించారు. తొలిసారిగా ఈ శనివారం పాటించారు.

Bagless Day | హైదరాబాద్‌, జూన్‌ 24 (నమస్తే తెలంగాణ): భుజాన బడి సంచిలేదు. పుస్తకాలు లేనే లేవు. నోట్‌ పుస్తకాలు, హోంవర్క్‌ హడావుడి అసలే లేదు. చెట్టాపట్టాలేసుకొని చిన్నారులు వచ్చారు. ఆటపాటలతో సందడి చేశారు.. ఇదీ శనివారం బ్యాగ్‌లెస్‌ డేలో భాగంగా పాఠశాలల్లో కనిపించిన వాతావరణం. ఈ విద్యా సంవత్సరం నుంచి నెలలో నాలుగో శనివారం బడుల్లో బ్యాగ్‌లెస్‌ డేను పాటించాలని నిర్ణయించారు. తొలిసారిగా ఈ శనివారం పాటించారు.

విద్యార్థుల్లో అభిరుచి, ఆసక్తిని కలిగించే పలు కార్యక్రమాలు నిర్వహించారు. ఏకాగత్రను పెంచుతూ ఉల్లాసపూరిత వాతావరణముండేలా ఉపాధ్యాయులు చొరవ తీసుకున్నారు. ఎస్సీఈఆర్టీ అధికారులు రూపొందించిన పుస్తకాన్ని అనుసరించి పలు కార్యక్రమాలు అమలు చేశారు. తొలిరోజున తమ పాఠశాలలో ఆటపాటలతోపాటు వారి కుటుంబం, సమాజంలోని వ్యవస్థల గురించి విద్యార్థుల మాటల్లోనే చెప్పించినట్టు జగిత్యాల జిల్లా వెల్గటూరు మండలం గుల్లకోట మండల ప్రాథమిక పాఠశాల ప్రధానోపాధ్యాయుడు చందూరి రాజిరెడ్డి తెలిపారు. నీతికథల ద్వారా మాట్లాడే నైపుణ్యాలను పెంపొందించామని చెప్పారు.