మిల్లర్ల దగాపై రైతన్న ఆగ్రహం

రైస్‌ మిల్లుల నిర్వాహకులు సిండికేట్‌గా మారి ధాన్యం ధరలు తగ్గించి అన్యాయం చేస్తున్నారని రైతులు ఆగ్రహం వ్యక్తం చేశారు. ఈ మేరకు గురువారం వారు రాజన్న సిరిసిల్ల జిల్లా ముస్తాబాద్‌ మండలం నామాపూర్‌ శివారులోని ఎక్స్‌రోడ్డు వద్ద పెద్ద సంఖ్యలో రాస్తారోకో చేపట్టారు. ఈ సందర్భంగా రైతులు మాట్లాడుతూ.. రెండు రోజుల కిందటి వరకు సన్నరకం ధాన్యానికి రూ.3,150, దొడ్డు రకానికి రూ.2,250 ధర పెట్టిన రైస్‌ మిల్లుల యజమానులు గురువారం సన్న రకానికి రూ.2,700, దొడ్డు రకానికి రూ.2 వేలు ఇస్తామనడం సరికాదని అన్నారు.

• సిరిసిల్ల జిల్లా నామాపూర్‌లో రాస్తారోకో

ముస్తాబాద్‌, అక్టోబర్‌ 22 : రైస్‌ మిల్లుల నిర్వాహకులు సిండికేట్‌గా మారి ధాన్యం ధరలు తగ్గించి అన్యాయం చేస్తున్నారని రైతులు ఆగ్రహం వ్యక్తం చేశారు. ఈ మేరకు గురువారం వారు రాజన్న సిరిసిల్ల జిల్లా ముస్తాబాద్‌ మండలం నామాపూర్‌ శివారులోని ఎక్స్‌రోడ్డు వద్ద పెద్ద సంఖ్యలో రాస్తారోకో చేపట్టారు. ఈ సందర్భంగా రైతులు మాట్లాడుతూ.. రెండు రోజుల కిందటి వరకు సన్నరకం ధాన్యానికి రూ.3,150, దొడ్డు రకానికి రూ.2,250 ధర పెట్టిన రైస్‌ మిల్లుల యజమానులు గురువారం సన్న రకానికి రూ.2,700, దొడ్డు రకానికి రూ.2 వేలు ఇస్తామనడం సరికాదని అన్నారు.

మొదట మండలంలోని రైతుల ధాన్యం కొన్న తరువాతే సరిహద్దులో ఉన్న ఇతర జిల్లాల దిగుబడులు కొనాలని డిమాండ్‌ చేశారు. ప్రధాన రహదారిపై మూడు గంటలపాటు ఆందోళన చేపట్టడంతో ఎక్కడికక్కడ వాహనాలు నిలిచిపోయాయి. ఎస్సై జ్యోతి, డిప్యూటీ తహసీల్దార్లు రజిత, సత్యనారాయణ, అధికారులు అక్కడికి చేరుకొని రైతులను శాంతింపజేశారు. మిల్లర్లతో మాట్లాడి న్యాయం చేస్తామని వారు హామీ ఇచ్చారు.