స్టాఫ్‌నర్సు పోస్టులకు 14 నుంచి కౌన్సెలింగ్‌

హైదరాబాద్‌, జూన్‌ 9 (నమస్తే తెలంగాణ): తెలంగాణ ప్రజారోగ్య, కుటుంబ సంక్షేమ సంస్థల్లో స్టాఫ్‌నర్సు పోస్టులకు ఈ నెల 14 నుంచి కౌన్సెలింగ్‌ నిర్వహించనున్నారు. ఎంపికైన అభ్యర్థులకు మెరిట్‌ ప్రకారం ఆప్షన్లను ఎంచుకునే అవకాశాన్ని కల్పించనున్నారు. జోన్‌-5 అభ్యర్థులకు ఈ నెల 14 నుంచి 15 వరకు.. జోన్‌-6 అభ్యర్థులకు 16 నుంచి 21 వరకు కౌన్సెలింగ్‌, ఆప్షన్ల ఎంపిక ప్రక్రియ నిర్వహించనున్నారు. ఈ కౌన్సెలింగ్‌ ప్రక్రియ హైదరాబాద్‌లోని డైరెక్టరేట్‌ పబ్లిక్‌ హెల్త్‌ అండ్‌ ఫ్యామిలీ వెల్ఫేర్‌ క్యాంపస్‌లో జరుగుతుందని, ఎంపికైన అభ్యర్థులు మరిన్ని వివరాలకు https://health.telangana.gov.in/ వెబ్‌సైట్‌ను సంప్రదించాలని ప్రజారోగ్య శాఖ డైరెక్టర్‌ డాక్టర్‌ జీ శ్రీనివాస్‌రావు ఓ ప్రకటనలో పేర్కొన్నారు.