జడ్చర్ల మార్చురీలో మృతదేహాలు కుళ్లిపోవడం దారుణం : మంత్రి డా.సి.లక్ష్మారెడ్డి

జడ్చర్లలో వంద పడకల హాస్పిటల్ మార్చురీలో మృతదేహాలు కుళ్లిపోవడం దారుణమని మాజీ మంత్రి డా.సి.లక్ష్మారెడ్డి ఆవేదన వ్యక్తం చేశారు.

మహబూబ్‌నగర్‌ : మహబూబ్‌నగర్‌ జిల్లా జడ్చర్లలో వంద పడకల హాస్పిటల్ మార్చురీలో మృతదేహాలు కుళ్లిపోవడం దారుణమని మాజీ మంత్రి డా.సి.లక్ష్మారెడ్డి ఆవేదన వ్యక్తం చేశారు. అత్యవసర సేవలు అందించే గవర్నమెంట్ హాస్పిటల్‌కి కోతల్లేని విద్యుత్ ఇవ్వలేక పోతుందని కాంగ్రెస్ ప్రభుత్వంపై ఆగ్రహం వ్యక్తం చేశారు. ఆప్తులు మరణించి తీవ్ర దుఃఖంలో ఉండే కుటుంబ సభ్యులకు మృతదేహాలను గౌరవంగా అప్పగించాల్సిన బాధ్యత ప్రభుత్వంపై ఉంటుందన్నారు.

కానీ నిర్లక్ష్యంతో కుళ్లిన మృతదేహాలు ఇవ్వడం హేయమైన చర్యగా అభిర్ణించారు. గతంలో కూడా మృతదేహాలను కుక్కలు పీక్కుతినడం, విద్యుత్ సరఫరా నిలిచిపోవడం వంటి ఘటనలు చూశామని గుర్తు చేశారు. అయినప్పటికీ హాస్పిటలోసేవలు మెరుగు పడలేదన్నారు. ఇప్పటికైనా ప్రభుత్వం స్పందించి మెరుగైన వైద్య సేవలు ,వసతులు కల్పించేలా చర్యలు తీసుకోవాలని డిమాండ్ చేశారు..