Birth Certificate | ఇబ్బందుల్లో పసి ప్రాణం.. బర్త్‌ సర్టిఫికెట్‌ లేక ఆగిన గుండె ఆపరేషన్‌

జనన ధ్రువీకరణ పత్రం లేక చిన్నారి గుండె ఆపరేషన్‌ ఆగింది. సదరు సర్టిఫికెట్‌ కోసం చిన్నారి తండ్రి పక్షం రోజులుగా పంచాయతీ కార్యాలయం చుట్టూ తిరుగుతున్నా ఫలితం లేకుండా పోయింది.

Birth Certificate | ములుగు, సెప్టెంబర్‌ 6 (నమస్తేతెలంగాణ): జనన ధ్రువీకరణ పత్రం లేక చిన్నారి గుండె ఆపరేషన్‌ ఆగింది. సదరు సర్టిఫికెట్‌ కోసం చిన్నారి తండ్రి పక్షం రోజులుగా పంచాయతీ కార్యాలయం చుట్టూ తిరుగుతున్నా ఫలితం లేకుండా పోయింది. ఈ ఘటన ములుగు జిల్లా కేంద్రంలో చోటుచేసుకున్నది.

బాధితుడు అజ్మీరా సురేశ్‌ తెలిపిన వివరాల ప్రకా రం.. ములుగు ప్రభుత్వ దవాఖానలో ఏప్రిల్‌ 27న సురేశ్‌ భార్య సుజాత బా బుకు జన్మనిచ్చింది. బాబు ఇటీవల అనారోగ్యానికి గురికాగా, వైద్యులకు చూపిస్తే బాబు గుండెకు రంధ్రం పడిందని ఆపరేషన్‌ చేయాలని చెప్పారు. రూ.15 లక్షల వరకు ఖర్చవుతుందని చెప్పగా హైదరాబాద్‌లోని స్టార్‌ హాస్పిటల్‌లో ఆరోగ్యశ్రీ కింద ఆపరేషన్‌ చేయించేందుకు తీసుకెళ్లాడు.

అక్కడి వైద్యులు జనన ధ్రువీకరణ పత్రం కావాలని అడిగారు. దీంతో గతనెల 27నుంచి సురేశ్‌ ములుగు గ్రామ పంచాయతీ కార్యాలయం చుట్టూ తిరుగుతున్నా ఇప్పటి వరకు అందించలేదు. ఈ పత్రం ఉంటేనే వైద్యులు ఆపరేషన్‌ నిర్వహించే అవకాశం ఉన్నది.