సీఎస్‌ఎస్‌ నిధులను సమర్థంగా వాడాలి: భట్టి

తెలంగాణలో కేంద్ర ప్రభుత్వ పథకాల కింద కేటాయించిన నిధులను సమర్థంగా పూర్తిస్థాయిలో వినియోగించుకోవడంతోపాటు ఆయా పథకాల ద్వారా ఆశించిన ఫలితాలు సాధించేలా చర్యలు తీసుకోవాలని ఉప ముఖ్యమంత్రి భట్టి విక్రమార అధికారులను ఆదేశించారు.

హైదరాబాద్‌, నవంబర్‌ 3 (నమస్తే తెలంగాణ): తెలంగాణలో కేంద్ర ప్రభుత్వ పథకాల కింద కేటాయించిన నిధులను సమర్థంగా పూర్తిస్థాయిలో వినియోగించుకోవడంతోపాటు ఆయా పథకాల ద్వారా ఆశించిన ఫలితాలు సాధించేలా చర్యలు తీసుకోవాలని ఉప ముఖ్యమంత్రి భట్టి విక్రమార అధికారులను ఆదేశించారు.

కేంద్రం నుంచి నిధులు పొందేందుకు ఉన్న అన్ని అవకాశాలను శాఖలవారీగా గుర్తించి, అవసరమైన ప్రతిపాదనలను సకాలంలో సమర్పించాలని సూచించారు. కేంద్ర ప్రాయోజిత పథకాల(సీఎస్‌ఎస్‌) మార్గదర్శకాలను పరిశీలించి, అర్హతలకు అనుగుణంగా ప్రతిపాదనలు రూపొందించాలని, కేంద్ర శాఖలతో నిరంతరం సమన్వయం చేసుకుంటూ నిధుల సాధనకు కృషి చేయాలని చెప్పారు.