తల్లిపై డీజిల్‌ పోసి నిప్పంటించిన కొడుకు

కన్నతల్లిపై డీజిల్‌ పోసి నిప్పంటించి అంతమొందించిన ఘటన శనివారం మెదక్‌ జిల్లాలో చోటుచేసుకున్నది.

టేక్మాల్‌, అక్టోబర్‌ 10 : స్థానికులు తెలిపిన వివరాల ప్రకారం.. టేక్మాల్‌ మండలం ఎల్లుపేటకు చెందిన కర్రె సాయవ్వ (38)కు కుమారుడు దుర్గేశ్‌ ఉన్నాడు. అతడు ఆటో నడుపుతూ జీవనాన్ని సాగిస్తున్నాడు. వారం రోజులుగా తల్లీకొడుకు మధ్య గొడవలు జరుగుతున్నాయి.

శనివారం సాయంత్రం ఇంటికి వచ్చిన దుర్గేశ్‌ తల్లితో గొడవపడ్డాడు. ఈ క్రమంలో ఆగ్రహానికి గురైన అతడు తల్లిపై డీజిల్‌ పోసి నిప్పు అంటించగా ఆమె మంటల్లో కాలి అక్కడికక్కడే మృతిచెందింది. కేసు దర్యాప్తు చేస్తున్నట్టు టేక్మాల్‌ పోలీసులు తెలిపారు.