Peddapalli | పెళ్లి బరాత్‌లో డ్యాన్స్‌ చేస్తూ యువకుడి మృతి

Peddapalli | పెళ్లి ఊరేగింపు(Wedding procession) సందర్భంగా డ్యాన్స్‌(Dance) చేస్తూ ఓ యువకుడు గుండెపోటుతో కుప్ప కూలి పోయాడు.

పెద్దపల్లి : పెళ్లి ఊరేగింపు(Wedding procession) సందర్భంగా డ్యాన్స్‌(Dance) చేస్తూ ఓ యువకుడు గుండెపోటుతో కుప్ప కూలి పోయాడు. గమనించిన స్థానికులు దవాఖానకు తరలించినా అప్పటికే మృత్యువాతపడ్డాడు. పెద్దపల్లి (Peddapalli) జిల్లా ఓదెల మండలం కొలనూర్‌ గ్రామంలో జరిగిన ఈ విషాద ఘటనకు సంబంధించి స్థానికులు, పోలీసులు తెలిపిన వివరాలు ఇలా ఉన్నాయి.

కరీంగనర్‌ మండలం తీగలగుట్టపల్లికి చెందిన విజయ్‌కుమార్‌(33) పెద్దపల్లి జిల్లా ఓదెల మండలం హరిపురంలోని స్నేహితుడి పెండ్లి విందు వేడుకలో పాల్గొనడానికి ఆదివారం సాయంత్రం వచ్చాడు.
విందు జరిగిన అనంతరం ఇదే మండలంలోని కొలనూర్‌లో విజయ్‌కుమార్‌ మిత్రుడికి తెలిసిన స్నేహితుడి పెళ్లి బరాత్‌ రాత్రి జరుగుతుండగా మిత్రుడి విజ్ఞప్తి మేరకు ఆ కార్యక్రమానికి కూడా హాజరయ్యాడు.

ఇందులో గంటల తరబడి డ్యాన్స్‌ చేస్తుండగా అర్ధరాత్రి వేళ ఒక్కసారిగా కుప్పకూలాడు. గమనించిన స్థానికులు వెంటనే దవాఖానకు తరలించగా, అప్పటికే గుండెపోటుతో మృతి చెందినట్లు వైద్యులు తెలిపారు. ఈ మేరకు కేసు నమోదు చేసి దర్యాప్తు చేస్తున్నట్లు పొత్కపల్లి ఎస్‌ఐ అశోక్‌రెడ్డి తెలిపారు.