అమృతకు రజతం

అండర్‌-23 ప్రపంచ రెజ్లింగ్‌ చాంపియన్‌షిప్‌లో భారత యువ రెజ్లర్‌ అమృత పూజారి రజత పతకంతో మెరిసింది.

లాస్‌ వేగాస్‌ (అమెరికా): శనివారం జరిగిన మహిళల 72 కేజీల పసిడి పోరులో అమృత ఉక్రెయిన్‌ రెజ్లర్‌ ఇరినా చేతిలో పరాజయం పాలైంది. మ్యాచ్‌లో ఇరినా 6-0తో ఆధిక్యంలో ఉన్న సమయంలో అమృతను పిన్‌డౌన్‌ చేసి విజయాన్ని కైవసం చేసుకుంది. మహిళల 53 కేజీల కాంస్య పతక పోరులో స్వీటీ 0-11తో అనస్తాసియా పోల్‌స్కా (ఉక్రెయిన్‌) చేతిలో ఓడి పతకం కోల్పోయింది.

65 కేజీల రెపిఛేజ్‌లో వైష్ణవి పాటిల్‌ నిరాశ పరచగా.. పురుషుల ఫ్రీ స్టయిల్‌ విభాగంలో పోటీపడ్డ ఐదుగురు భారత రెజ్లర్లలో ఒక్కరు కూడా పతక రౌండ్‌కు సైతం అర్హత సాధించలేకపోయారు. దాంతో ఈ టోర్నీని భారత్‌ మూడు పతకాలతో ముగించింది.