Venkatesh Iyer | అత‌డిలా పూర్తి స్థాయి ఆల్‌రౌండ‌ర్ అవ్వాల‌ని ఉంది : వెంక‌టేశ్ అయ్య‌ర్

Venkatesh Iyer : కోల్‌క‌తా నైట్ రైడ‌ర్స్ ఆల్‌రౌండ‌ర్ వెంక‌టేశ్ అయ్య‌ర్(Venkatesh Iyer) ఆస‌క్తిక‌ర వ్యాఖ్య‌లు చేశాడు. గుజ‌రాత్ టైటాన్స్(Gujarat Titans) కెప్టెన్ హార్దిక్ పాండ్యా(Hardhik Pandya)లాగ తాను కూడా పూర్తి స్థాయి ఆల్‌రౌండ‌ర్ కావాల‌నుకుంటున్నాన‌ని అత‌ను అన్నాడు. 'హార్దిక్ పాండ్యా ఒక కంప్లీట్ ఆల్‌రౌండ‌ర్. నాకు కూడా 'వెంక‌టేశ్‌.. ఒక పూర్తి స్థాయి ఆల్‌రౌండ‌ర్' అనిపించుకోవాలని ఉంది. బ్యాటుతో, బంతితో...

June 12, 2023 / 07:33 PM IST

Venkatesh Iyer | అత‌డిలా పూర్తి స్థాయి ఆల్‌రౌండ‌ర్ అవ్వాల‌ని ఉంది : వెంక‌టేశ్ అయ్య‌ర్

Venkatesh Iyer : కోల్‌క‌తా నైట్ రైడ‌ర్స్ ఆల్‌రౌండ‌ర్ వెంక‌టేశ్ అయ్య‌ర్(Venkatesh Iyer) ఆస‌క్తిక‌ర వ్యాఖ్య‌లు చేశాడు. గుజ‌రాత్ టైటాన్స్(Gujarat Titans) కెప్టెన్ హార్దిక్ పాండ్యా(Hardhik Pandya)లాగ తాను కూడా పూర్తి స్థాయి ఆల్‌రౌండ‌ర్ కావాల‌నుకుంటున్నాన‌ని అత‌ను అన్నాడు. ‘హార్దిక్ పాండ్యా ఒక కంప్లీట్ ఆల్‌రౌండ‌ర్. నాకు కూడా ‘వెంక‌టేశ్‌.. ఒక పూర్తి స్థాయి ఆల్‌రౌండ‌ర్’ అనిపించుకోవాలని ఉంది. బ్యాటుతో, బంతితో రాణించి జ‌ట్టు విజ‌యాల్లో భాగం కావాల‌నుకుంటున్నా’ అని కోల్‌క‌తా ఓపెన‌ర్ త‌న మ‌న‌సులో మాట చెప్పాడు.

అంతేకాదు ఐపీఎల్ 16వ సీజ‌న్ (2023)లో త‌మ జ‌ట్టుకు రింకూ సింగ్ (Rinku Singh)రూపంలో మంచి ఫినిష‌ర్ దొరికాడ‌ని అయ్య‌ర్ తెలిపాడు. రెండు సార్లు చాంపియ‌న్ అయిన కోల్‌క‌తా ప‌ద‌హారో సీజ‌న్‌లో ప్లే ఆఫ్స్ చేర‌లేక‌పోయింది. గ‌త సీజ‌న్ల‌లో విఫ‌ల‌మైన వెంక‌టేశ్ అయ్య‌ర్ ఈసారి చెల‌రేగాడు. మున‌ప‌టి దూకుడు క‌న‌బరిచిన అత‌ను ఐపీఎల్‌లో తొలి శ‌త‌కం సాధించాడు. అది కూడా బ‌ల‌మైన‌ ముంబై ఇండియ‌న్స్‌పై. దాంతో, కోల్‌క‌తా ఫ్రాంచైజీ త‌ర‌ఫున‌ సెంచ‌రీ కొట్టిన రెండో ఆట‌గాడిగా రికార్డు సృష్టించాడు. ఐపీఎల్ ఆరంభ సీజ‌న్‌(2008లో) ప‌వ‌ర్ హిట్ట‌ర్ బ్రెండ‌న్ మెక్‌క‌ల్లం(Brendon McCullum) ఆర్సీబీపై వంద కొట్టాడు.

వెంక‌టేశ్ అయ్య‌ర్ – బ్రెండ‌న్ మెక్‌క‌ల్లం

Venkatesh Iyer Brendon F

ఐపీఎల్ టు టీమిండియా

ఐపీఎల్‌లో స‌త్తా చాటి టీమిండియాకు ఎంపికైన కుర్రాళ్ల‌లో వెంక‌టేశ్ అయ్య‌ర్ ఒక‌డు. ద‌క్షిణాఫ్రికాపై 2022 జ‌న‌వరి 19న వన్డేల్లో ఆరంగ్రేటం చేశాడు. అదే ఏడాది వెస్టిండీస్‌పై అత‌ను టీ20ల్లో తొలి మ్యాచ్ ఆడాడు. ఇప్ప‌టి వ‌ర‌కు అయ్య‌ర్ ఐపీఎల్‌లో 36 మ్యాచ్‌లు ఆడాడు. 28.12 స‌గ‌టుతో 956 ప‌రుగులు సాధించాడు. అందులో ఒక సెంచ‌రీ, 7 హాఫ్ సెంచ‌రీలు ఉన్నాయి. ఈ లెఫ్ట్ హ్యాండ‌ర్ 86 ఫోర్లు, 42 సిక్స్‌లు బాదాడు.