Pramod Bhagat: పారాలింపిక్స్‌లో ‘ప‌సిడి’ పంట‌.. భార‌త్ ఖాతాలో మ‌రో స్వ‌ర్ణం

Pramod Bhagat: టోక్యోలో జ‌రుగుతున్న పారాలింపిక్స్‌లో భార‌త్‌కు ప‌సిడి ప‌త‌కాల పంట పండుతున్న‌ది. ఈ పారాలింపిక్స్‌లో ఇప్ప‌టికే ముగ్గురు క్రీడాకారులు స్వ‌ర్ణ ప‌తకాలు సాధించ‌గా..

న్యూఢిల్లీ: టోక్యోలో జ‌రుగుతున్న పారాలింపిక్స్‌లో భార‌త్‌కు ప‌సిడి ప‌త‌కాల పంట పండుతున్న‌ది. ఈ పారాలింపిక్స్‌లో ఇప్ప‌టికే ముగ్గురు క్రీడాకారులు స్వ‌ర్ణ ప‌తకాలు సాధించ‌గా.. తాజాగా మ‌రో ఆటగాడికి స్వ‌ర్ణం ద‌క్కింది. ఈ సాయంత్రం జ‌రిగిన బ్యాడ్మింట‌న్ మెన్స్ సింగిల్స్ ఫైన‌ల్ మ్యాచ్‌లో ష‌ట్ల‌ర్ ప్ర‌మోద్ భ‌గ‌త్ ( Pramod Bhagat ) ఘ‌న విజ‌యం సాధించాడు. గ్రేట్ బ్రిట‌న్‌కు చెందిన డేనియ‌ల్ బెతెల్‌ను 21-14, 21-17 తేడాతో రెండు వ‌రుస సెట్ల‌లో ఓడించి ప‌సిడి ప‌త‌కాన్ని త‌న ఖాతాలో వేసుకున్నాడు. దాంతో ఈ పారాలింపిక్స్‌లో భార‌త క్రీడాకారులు సాధించిన స్వ‌ర్ణ ప‌త‌కాల సంఖ్య నాలుగుకు చేరింది. మొత్తం ప‌త‌కాల సంఖ్య 16కు చేరింది.