మెల్బోర్న్: ఆస్ట్రేలియా క్రికెటర్ టిమ్ పెయిన్.. టెస్ట్ కెప్టెన్సీ బాధ్యతల నుంచి వైదొలగినట్లు వెల్లడించారు. గతంలో తనతో పనిచేసిన ఓ సహోద్యోగినితో అతను అనుచిత రీతిలో ప్రవర్తించాడు. ఆమెకు తన మొబైల్ ద్వారా అసభ్యకర సంభాషణలు చేసినట్లు ఆరోపణలు వచ్చాయి. ఈ నేపథ్యంలో టెస్ట్ కెప్టెన్సీ నుంచి తప్పుకుంటున్నట్లు హోబర్ట్లో జరిగిన మీడియా సమావేశంలో టిమ్ పెయిన్ తెలిపారు. 2018 మార్చిలో టిమ్ పెయిన్ ఆస్ట్రేలియా కెప్టెన్గా బాధ్యతలు తీసుకున్నాడు. అయితే 2017లో తనతో కలిసి పనిచేసిన ఓ మహిళా ఉద్యోగితో టిమ్ అసభ్యకర సంభాషణలు చేశాడు. దానికి సంబంధించిన వివరాలు లీకైన నేపథ్యంలో కెప్టెన్సీ నుంచి వైదొలుగుతున్నట్లు వెల్లడించాడు. తాను తీసుకున్న నిర్ణయం కఠినమైందని, కానీ తనకు, తన కుటుంబానికి, క్రికెట్కు ఇది మంచి నిర్ణయం అవుతుందని పెయిన్ తెలిపాడు.