అమెరికా జట్టులో శాన్వి

అమెరికా మహిళల జాతీయ క్రికెట్‌ జట్టులో హైదరాబాద్‌ మూలాలు ఉన్న ఇమ్మడి శాన్వికి చోటు దక్కింది. యూఏఈలో జరుగనున్న వరల్డ్‌కప్‌ క్వాలిఫయర్స్‌లో పోటీపడే అమెరికా తరఫున శాన్వి ప్రాతినిధ్యం వహిస్తున్నది. 15 ఏండ్ల శాన్వి 2020లో శాన్‌రామన్‌ యూత్‌ క్రికెట్‌ అసోసియేషన్‌ కాలిఫోర్నియా తరఫున క్రికెట్‌లో అరంగేట్రం చేసింది.

• నిలకడగా రాణిస్తున్న హైదరాబాదీ

హైదరాబాద్‌, ఆట ప్రతినిధి: అమెరికా మహిళల జాతీయ క్రికెట్‌ జట్టులో హైదరాబాద్‌ మూలాలు ఉన్న ఇమ్మడి శాన్వికి చోటు దక్కింది. యూఏఈలో జరుగనున్న వరల్డ్‌కప్‌ క్వాలిఫయర్స్‌లో పోటీపడే అమెరికా తరఫున శాన్వి ప్రాతినిధ్యం వహిస్తున్నది. 15 ఏండ్ల శాన్వి 2020లో శాన్‌రామన్‌ యూత్‌ క్రికెట్‌ అసోసియేషన్‌ కాలిఫోర్నియా తరఫున క్రికెట్‌లో అరంగేట్రం చేసింది. అండర్‌-13 అరంగేట్రంలోనే 9 వికెట్లు తీసి సత్తాచాటింది. ఇటీవల జరిగిన శాన్‌డియాగో టీ20 టోర్నీలో 10 వికెట్లు పడగొట్టి జాతీయ జట్టుకు ఎంపికైంది. హైదరాబాద్‌కు చెందిన కోచ్‌ జగదీశ్‌రెడ్డి శిక్షణలో శాన్వి మరింత రాటుదేలింది. 1997లో కాలిఫోర్నియాలో స్థిరపడ్డ తండ్రి రమేశ్‌ ప్రసుత్తం సిస్కో సిస్టమ్స్‌లో ఉద్యోగం చేస్తున్నారు.