Suryakumar Yadav | సూర్యకుమార్‌కు స‌ర్జ‌రీ.. హాస్పిట‌ల్ బెడ్ మీది ఫొటో వైర‌ల్

Suryakumar Yadav : భార‌త టీ20 సంచ‌ల‌నం సూర్య‌కుమార్ యాద‌వ్‌ (Suryakumar Yadav) స‌ర్జ‌రీ చేయించుకున్నాడు. స్పోర్ట్స్ హెర్నియా(Sports Hernia)తో బాధ ప‌డుతున్న ఈ స్టార్ ఆట‌గాడికి బుధ‌వారం జ‌ర్మ‌నీలో...

Suryakumar Yadav : భార‌త టీ20 సంచ‌ల‌నం సూర్య‌కుమార్ యాద‌వ్‌ (Suryakumar Yadav) స‌ర్జ‌రీ చేయించుకున్నాడు. స్పోర్ట్స్ హెర్నియా(Sports Hernia)తో బాధ ప‌డుతున్న ఈ స్టార్ ఆట‌గాడికి బుధ‌వారం జ‌ర్మ‌నీలో శ‌స్త్ర చికిత్స జ‌రిగింది. దాంతో, హాస్పిట‌ల్ బెడ్ మీద ఉన్న ఫొటోను మిస్ట‌ర్ 360 ఇన్‌స్టాగ్రామ్‌లో పోస్ట్ చేశాడు.

‘స‌ర్జ‌రీ విజ‌య‌వంత‌మైంది. నా ఆరోగ్యం తొంద‌ర‌గా మెరుగ‌వ్వాల‌ని కోరుకున్న‌ ప్ర‌తి ఒక్క‌రికి ధ‌న్య‌వాదాలు. నేను ఇప్పుడు సంతోషంగా ఉన్నా. త్వ‌ర‌లోనే మ‌ళ్లీ మీ ముందుకు వ‌స్తాను’ అని సూర్య త‌న పోస్ట్‌లో రాసుకొచ్చాడు.

 

View this post on Instagram

 

A post shared by Surya Kumar Yadav (SKY) (@surya_14kumar)

వైద్య ప‌రిభాష‌లో స్పోర్ట్స్ హెర్నియాను ‘అథ్లెటిక్ పుబ‌ల్జియా'(Athletic Publgia) అని పిలుస్తారు. పొత్తి క‌డుపు కింది భాగంలో లేదా గ‌జ్జ‌ల(Groin) భాగంలోని మృదువైన క‌ణ‌జాలంలోని కండ‌రాలు లేదా టిండాన్, లిగ‌మెంట్ దెబ్బతిన‌డం వ‌ల్ల ఈ స‌మ‌స్య ఏర్ప‌డుతుంది. అంతేకాదు ఉన్న‌ట్టుండి ఒక్క‌సారిగా క‌ద‌ల‌డం వ‌ల్ల తుంటి భాగంలో ఉండే క‌ణ‌జాలం, కండ‌రాలు దెబ్బ‌తింటాయి. దాంతో స్పోర్ట్స్ హెర్నియా వ‌చ్చే అవ‌కాశం ఉంది.

ఫుట్‌బాల్, రెజ్లింగ్, ఐస్ హాకీ ఆడేవాళ్లలో చాలావ‌ర‌కు ఈ స‌మ‌స్య క‌నిపిస్తుంది. అప్పుడ‌ప్పుడు క్రికెట‌ర్ల‌లోనూ ఈ ఇబ్బంది క‌నిపిస్తుంటుంది. రెండేండ్ల క్రితం భార‌త వికెట్ కీప‌ర్ కేఎల్ రాహుల్(KL Rahul) కూడా ఈ స‌మ‌స్య‌తో బాధ‌ప‌డ్డాడు. 2002 జూలైలో స‌ర్జ‌రీ చేయించుకొన్న రాహుల్ పున‌రాగ‌మ‌నంలో ప‌రుగుల వ‌ర‌ద పారిస్తున్నాడు.

ఇవి కూడా చ‌దవండి

• Pakistan | ఇరాన్‌పై పాకిస్థాన్‌ ప్రతీకార దాడులు
• CM Arvind Kejriwal | నేడు గోవాకు ఢిల్లీ సీఎం.. ఈడీ విచారణకు కేజ్రీవాల్‌ మళ్లీ గైర్హాజరు!
• Rohit Sharma | నేను ప్ర‌తి ఒక్క‌రిని సంతోష‌పెట్ట‌లేను.. కెప్టెన్‌గా నా ఏకైక ల‌క్ష్య‌మదే..!