FIFA World Cup 2023 | చ‌రిత్ర సృష్టించిన స్పెయిన్.. తొలిసారి ఫైన‌ల్ చేరిన‌ మ‌హిళ‌ల జ‌ట్టు

FIFA World Cup 2023 : ఫిఫా మ‌హిళ‌ల వ‌ర‌ల్డ్ క‌ప్‌లో మ‌రో సంచ‌ల‌నం న‌మోదైంది. టోర్నీ ఆరంభం నుంచి అద్భుత ప్ర‌ద‌ర్శ‌న చేసిన స్పెయిన్‌ (Spain)మ‌హిళ‌ల జ‌ట్టు చ‌రిత్ర సృష్టించింది. తొలిసారి ఫిఫా వ‌ర‌ల్డ్ క‌ప్ ఫైన‌ల్లో అడుగు పెట్టింది. ఈరోజు హోరీ హోరీగా జ‌రిగిన సెమీఫైన‌ల్లో స్వీడ‌న్‌(Sweden)పై 2-1తో గెలుపొందింది. ఒల్గా కార్మోనా(Olga Carmona) 90వ నిమిషంలో విన్నింగ్ గోల్ కొట్టడంతో...

FIFA World Cup 2023 : ఫిఫా మ‌హిళ‌ల వ‌ర‌ల్డ్ క‌ప్‌లో మ‌రో సంచ‌ల‌నం న‌మోదైంది. టోర్నీ ఆరంభం నుంచి అద్భుత ప్ర‌ద‌ర్శ‌న చేసిన స్పెయిన్‌ (Spain)మ‌హిళ‌ల జ‌ట్టు చ‌రిత్ర సృష్టించింది. తొలిసారి ఫిఫా వ‌ర‌ల్డ్ క‌ప్ ఫైన‌ల్లో అడుగు పెట్టింది. ఈరోజు హోరీ హోరీగా జ‌రిగిన సెమీఫైన‌ల్లో స్వీడ‌న్‌(Sweden)పై 2-1తో గెలుపొందింది. ఒల్గా కార్మోనా(Olga Carmona) 90వ నిమిషంలో విన్నింగ్ గోల్ కొట్టడంతో స్పెయిన్ డ‌గౌట్‌లో సంబురాలు మొద‌ల‌య్యాయి. రేపు ఆస్ట్రేలియా, ఇంగండ్ మ‌ధ్య రెండో సెమీఫైన‌ల్ జ‌రుగ‌నుంది. ఈ మ్యాచ్ విజేత‌తో స్పెయిన్ జ‌ట్టు టైటిల్ పోరులో త‌ల‌ప‌డ‌నుంది.

ఈడెన్ పార్క్‌(Eden Park)లో ఈరోజు స్పెయిన్, స్వీడ‌న్ జ‌ట్లు ఫైన‌ల్ బెర్త్ కోసం పోటాపోటీగా త‌ల‌పడ్డాయి. క్వార్ట‌ర్ ఫైన‌ల్లో నెద‌ర్లాండ్స్‌పై మెరిసిన స‌ల్మా పార‌ల్లులో(Salma Paralluelo) 81 నిమిషంలో గోల్ చేయ‌డంతో స్పెయిన్‌ 1-0 ఆధిక్యంలోకి వెళ్లింది. అయితే.. 88వ నిమిషంలో స్వీడ‌న్ ప్లేయ‌ర్ రెబెక్కా బ్లొంక్విస్ట్(Rebecka Blomqvist) గోల్ కొట్టి స్కోర్ స‌మం చేసింది.

81′ 🇪🇸 1-0
88′ 🇸🇪 1-1
89′ 🇪🇸 2-1

Nine minutes of mayhem! 🤯#BeyondGreatness | #FIFAWWC

— FIFA Women’s World Cup (@FIFAWWC) August 15, 2023

మ్యాచ్ స‌మ‌యం ద‌గ్గ‌ర ప‌డ‌డంతో పెనాల్టీ షూటౌట్ త‌ప్ప‌క‌పోవ‌చ్చు అనుకున్నారంతా. కానీ, ఒల్గా కార్మోనా 90 నిమిషంలో గోల్ కొట్టి జ‌ట్టుకు చిరస్మ‌ర‌ణీయ విజయాన్ని అందించింది. దాంతో, స్వీడ‌న్ ప్లేయ‌ర్స్ క‌న్నీటిప‌ర్యంత‌మ‌య్యారు.

ఇవి కూడా చ‌ద‌వండి

Virat Kohli | స్వాతంత్య్ర దినోత్స‌వం నాకెంతో ప్ర‌త్యేకం.. బాల్య‌పు రోజుల్ని గుర్తు చేసుకున్న కోహ్లీ

Virat Kohli | జిమ్‌లో చెమటలు చిందిస్తున్న విరాట్ కోహ్లీ.. వీడియో వైరల్‌