Sarabjot Singh | అర‌గంట ప్రాక్టీస్.. కంచు మోత మోగించాం

Sarabjot Singh : పారిస్ ఒలింపిక్స్‌లో కాంస్యంతో చ‌రిత్ర సృష్టించిన స‌రభ్‌జోత్ సింగ్ (Sarabjot Singh) ఫైన‌ల్ పోరు స‌న్న‌ద్ధ‌త‌మైన తీరును వివ‌రించాడు. ఒలింపిక్స్‌లో స్వ‌ర్ణం కొల్ల‌గొట్టిన ట‌ర్కీ షూట‌ర్ యూసుఫ్ డికెక్ (Yusuf Dikec) త‌న ఫేవ‌రెట్ అని స‌ర‌భ్‌జోత్ చెప్పాడు.

Sarabjot Singh : పారిస్ ఒలింపిక్స్‌లో కాంస్యంతో చ‌రిత్ర సృష్టించిన స‌రభ్‌జోత్ సింగ్ (Sarabjot Singh) షూటింగ్‌లో మ‌రిన్ని అద్బుతాలు చేస్తానంటున్నాడు. అందుకోసం ప్ర‌భుత్వం ఆఫ‌ర్ చేసిన ఉద్యోగాన్ని సైతం వదులుకున్నాడు. షూటింగ్ మీదే ఫోక‌స్ పెట్టిన‌ స‌ర‌భ్‌జోత్ తాజాగా ఒలింపిక్ ఫైన‌ల్ పోరు స‌న్న‌ద్ధ‌త‌మైన తీరును వివ‌రించాడు.

’10 మీట‌ర్ల ఎయిర్ రైఫిల్ మిక్స్‌డ్ విభాగం కోసం మ‌ను, నేను 30 నిమిషాలు మాత్రమే సాధ‌న చేశాం. అయినా స‌రే గురి త‌ప్పకుండా కాంస్యం గెలుపొందాం’ అని ఈ యువ షూట‌ర్ తెలిపాడు. ’10 మీట‌ర్ల ఎయిర్ రైఫిల్ వ్య‌క్తిగ‌త విభాగంలో నేను 9 గంట‌ల‌కు ప్రాక్టీస్ చేసేవాడిని. మ‌ను 12 గంట‌ల‌కు సాధ‌న చేసేది. అయితే.. మిక్స్‌డ్ టీమ్ ఈవెంట్ కోసం ఇద్ద‌రం అర‌గంట మాత్ర‌మే సాధ‌న చేశాం. అప్పుడు మా ఇద్ద‌రి మ‌ధ్య‌ సంభాష‌ణ చాలా త‌క్కువ‌.

మ‌నం వంద శాతం మ‌న బెస్ట్ ఇవ్వాలని మాట్లాడుకునేవాళ్లం. స‌ర‌దాగా జోక్‌లు కూడా వేసుకునేవాళ్లం. ఒక‌సారి నేను మ‌నుపై జోక్ వేస్తే.. ఆ త‌ర్వాత ఆమె న‌న్ను ఆట‌ప‌ట్టించేది’ అని స‌ర‌భ్‌జోత్ వెల్ల‌డించాడు. అంతేకాదు ఒలింపిక్స్‌లో స్వ‌ర్ణం కొల్ల‌గొట్టిన ట‌ర్కీ షూట‌ర్ యూసుఫ్ డికెక్ (Yusuf Dikec) త‌న ఫేవ‌రెట్ అని స‌ర‌భ్‌జోత్ చెప్పాడు.

ఏం తింటున్నాడో అడుగుతా?

నేను 2011 నుంచి యూసుఫ్ షూటింగ్ వీడియోలు చూస్తున్నా. అప్ప‌టికీ ఇప్ప‌టికీ అత‌డి గురిలో ఏమాత్రం తేడా లేదు. ప్ర‌స్తుతం అత‌డికి 51 ఏండ్లు. నేను ఎంత ప్ర‌య‌త్నించినా కూడా యూసుఫ్ ప్ర‌ద‌ర్శ‌న‌కు పోటీకాను. ఒక‌వేళ నాకు అవ‌కాశం దొరికితే అత‌డు ఏం తింటున్నాడో అడుగుతా అని 22 ఏండ్ల స‌ర‌భ్‌జోత్ అన్నాడు.

ఇవి కూడా చ‌ద‌వండి

• Mallikarjun Kharge | మైనారీటీలను లక్ష్యంగా చేసుకోవడం, బుల్డోజర్లను ఉపయోగించడం ఆందోళనకరం: మల్లికార్జున్ ఖర్గే
• Paravada incident | పరవాడ ఘటనలో చికిత్సపొందుతూ కార్మికుడు మృతి
• KTR | బీఆర్‌ఎస్‌ నేత జిట్టా బాలకృష్ణారెడ్డికి కేటీఆర్‌ పరామర్శ