Australian Open : ప్రతిష్ఠాత్మక ఆస్ట్రేలియా ఓపెన్(Australian Open)లో భారత టెన్నిస్ దిగ్గజం రోహన్ బోపన్న (Rohan Bopanna) మరో ఫీట్ సాధించాడు. డబుల్స్లో వరల్డ్ నంబర్ 1 ర్యాంక్ దక్కిన మరునాడే సంచలన విజయం ఖాతాలో వేసుకున్నాడు. గురువారం జరిగిన పురుషుల డబుల్స్ సెమీఫైనల్లో థామస్ మచాక్(Tomas Machac), ఝాంగ్ జిజినె( Zhang Zhizhen) ద్వయాన్ని బోపన్న, మాథ్యూ ఎబ్బెన్(Matthew Ebden) జోడీ చిత్తు చేసింది.
తొలి సెట్ నుంచి దూకుడుగా ఆడిన బోపన్న, ఎబ్డెన్ జంట 6-3 3-6 7-6 (10-7)తో థామస్, ఝాంగ్ జోడీని మట్టికరిపించి.. తొలిసారి ఆస్ట్రేలియన్ ఓపెన్ ఫైనల్కు దూసుకెళ్లింది. ఈ జంటకు వరుసగా ఇది రెండో టైటిల్ పోరు కావడం విశేషం. నిరుడు యూఎస్ ఓపెన్ ఫైనల్లో బోపన్న, మాథ్యూ జోడీ రన్నరప్తో సరిపెట్టుకుంది. దాంతో, ఈ స్టార్ జోడీ ఈసారి టైటిల్ కొల్లగొట్టి చరిత్ర తిరగరాయాలనే కసితో ఉంది.
💥 @rohanbopanna@bondisands • #staycoolunderpressure • #bondisands @wwos • @espn • @eurosport • @wowowtennis pic.twitter.com/BAJwKDv0ZZ
— #AusOpen (@AustralianOpen) January 25, 2024
రెండో సీడ్గా టోర్నీలో అడుగుపెట్టిన బోపన్న, ఎబ్దన్ జోడీ తొలి రౌండ్ నుంచి చాంపియన్ ఆటతో రఫ్ఫాడించింది. బుధవారం జరిగిన పురుషుల డబుల్స్ క్వార్టర్స్లో బోపన్న, మాథ్యూ ఎబ్డెన్ (ఆస్ట్రేలియా) జోడీ 6-4, 7-6(7/5) తేడాతో మాక్సిమో గోంజాలెజ్, అండ్రెస్ మోల్టెని(అర్జెంటీనా) ద్వయంపై గెలిచి సెమీస్ చేరింది.