Visit:
మాజీ చాంపియన్ స్పెయిన్ 16 ఏండ్ల సుదీర్ఘ విరామం తర్వాత ప్రిక్వార్టర్ చేరుకుంది. సౌదీ అరేబియా, ఉరుగ్వేపై విజయాల జోరు కొనసాగించిన ఆ జట్టు వరుసగా మూడో గెలుపుతో హ్యాట్రిక్ అందుకుంది. మికెల్ ఒయార్జబెల్ డబుల్ గోల్స్తో సత్తా చాటడంతో శుక్రవారం ఉదయం జరిగిన మ్యాచ్లో స్పెయిన్ 3-0తో ఆస్ట్రియాను చిత్తుగా ఓడించింది. 36, 89వ నిమిషంలో ఒయార్జబెల్ రెండు గోల్స్తో ఆకట్టుకోగా.. పెడ్రో పెరో 66వ నిమిషంలో ఓ గోల్ చేసి జట్టుకు ఘన విజయం అందించాడు. 2010లో ట్రోఫీ నెగ్గిన తర్వాత స్పెయిన్ ప్రిక్వార్టర్ దశకు చేరుకోవడం ఇదే తొలిసారి కావడం గమనార్హం. మరోవైపు తొలి వరల్డ్కప్ వేటలో ఉన్న స్విట్జర్లాండ్ 2-0తో అల్జీరియాను ఓడించి ప్రిక్వార్టర్స్ చేరింది. బ్రీల్ ఎంబెలో పదో నిమిషంలో జట్టుకు గోల్ అందించగా.. డాన్ ఎండొయీ 46వ నిమిషంలో మరో గోల్ సాధించాడు.
