న్యూజిలాండ్‌ బోణీ

ఓపెనర్‌ కాన్వే (111 నాటౌట్‌; 13 ఫోర్లు, ఒక సిక్సర్‌), డారిల్‌ మిషెల్‌ (118 నాటౌట్‌; 7 ఫోర్లు, 7 సిక్సర్లు) అజేయ శతకాలతో కదంతొక్కడంతో ఇంగ్లండ్‌తో జరిగిన తొలి వన్డేలో న్యూజిలాండ్‌ ఘన విజయం సాధించింది.

కార్డిఫ్‌: ఓపెనర్‌ కాన్వే (111 నాటౌట్‌; 13 ఫోర్లు, ఒక సిక్సర్‌), డారిల్‌ మిషెల్‌ (118 నాటౌట్‌; 7 ఫోర్లు, 7 సిక్సర్లు) అజేయ శతకాలతో కదంతొక్కడంతో ఇంగ్లండ్‌తో జరిగిన తొలి వన్డేలో న్యూజిలాండ్‌ ఘన విజయం సాధించింది. 2019 వన్డే ప్రపంచకప్‌ ఫైనల్‌ తర్వాత ఈ రెండు జట్ల మధ్య జరిగిన తొలి వన్డేలో కివీస్‌ 8 వికెట్ల తేడాతో గెలిచింది. మొదట ఇంగ్లండ్‌ 50 ఓవర్లలో 6 వికెట్లకు 291 పరుగులు చేసింది. కెప్టెన్‌ బట్లర్‌ (72), మలన్‌ (54), బెన్‌ స్టోక్స్‌ (52), లివింగ్‌స్టోన్‌ (52) అర్ధశతకాలతో రాణించారు. లక్ష్య ఛేదనలో న్యూజిలాండ్‌ 45.4 ఓవర్లలో 297/2 స్కోరు చేసింది.