సెకండ్ హ్యాండ్ విల్లుతో సాధన
కుంకుమ్ మహోద్ స్వస్థలం మహారాష్ట్రలోని అమరావతి. కుంకుమ్ బంధువుల అమ్మాయి ఆర్చరీలో శిక్షణ పొందింది. ‘ఆ అమ్మాయిలాగా నువ్వూ ఆర్చరీ నేర్చుకోవాలి’ అని కుంకుమ్ని వాళ్లమ్మ రూపాలి ప్రోత్సహించింది.
కుంకుమ్ మహోద్ స్వస్థలం మహారాష్ట్రలోని అమరావతి. కుంకుమ్ బంధువుల అమ్మాయి ఆర్చరీలో శిక్షణ పొందింది. ‘ఆ అమ్మాయిలాగా నువ్వూ ఆర్చరీ నేర్చుకోవాలి’ అని కుంకుమ్ని వాళ్లమ్మ రూపాలి ప్రోత్సహించింది. కోచ్ ప్రఫుల్ డాంగేకి పరిచయం చేసింది. ఆయన కుంకుమ్ భుజ నిర్మాణం, ఛాతీ వైశాల్యం చూసి ఆమె ఆర్చరీకి అనువైన దేహాన్ని కలిగి ఉన్నదని గుర్తించాడు. ప్రారంభంలోనే పట్టుదలతో నేర్చుకోవడం చూసి కచ్చితంగా గొప్ప క్రీడాకారిణిగా ఎదుగుతుందని తల్లిదండ్రులకు చెప్పాడు. ఎనిమిదేండ్ల క్రితం కుంకుమ్ ఆర్చరీలోకి అడుగుపెట్టింది. కరోనా సమయంలో విలు విద్యలో ప్రత్యేక శిక్షణ పొందింది.
చెక్క విల్లుతో
కుంకుమ్ మొదట్లో చెక్కతో తయారు చేసిన విల్లుతో బాణాలు సంధించేది. క్రీడాకారులు ఉపయోగించే విల్లు ఖరీదు మూడు వేల రూపాయలు. తన తండ్రి అనిల్ మనోహర్ పేదవాడు. స్వీట్ షాప్లకు అట్టలతో బాక్స్లను తయారుచేసి ఇస్తుంటాడు. వచ్చే ఆదాయంలో నయా పైసా మిగిలేది కాదు. కుంకుమ్ కోరిక తీర్చడానికి వాళ్ల నాయనమ్మ ఒక విల్లుని కొనిచ్చింది. విల్లు చేతికి వచ్చిందో లేదో ఆరు నెలల్లోనే జాతీయ స్థాయి జూనియర్ చాంపియన్షిప్లో వెండి పతకం గెలిచింది కుంకుమ్. ఆ విజయంతో తన కూతురికి ఎలాగైనా సహకరించాలని అమ్మానాన్న అనుకున్నారు.
షేర్ ఆటోలో ప్రయాణం
ఖేలో ఇండియా శిక్షణకు ఎంపికైంది కుంకుమ్. అంతర్జాతీయ స్థాయి ప్రమాణాలకు తగ్గ విల్లు కొనే స్తోమత లేక సెకండ్ హ్యాండ్ విల్లుని కొనుగోలు చేశాడు వాళ్ల నాన్న. అయిదేండ్లుగా ఆ పాత విల్లుతోనే సాధన చేసింది. శిక్షణ కోసం తెల్లవారు జామున షేర్ ఆటో ఎక్కిపోయేది. తనతోపాటు శిక్షణకు వచ్చే పిల్లలు మానేయడంతో ఆటో రావడం ఆగిపోయింది. ఆర్థికంగా భారమైనా బైక్ మీద రోజూ దింపి వచ్చేవాడు కుంకుమ్ తండ్రి. కుటుంబ ప్రోత్సాహంతో పేదరికాన్ని గెలిచిన బిడ్డ ఏకంగా మూడు మెడల్స్ అందుకున్నది.
ఆసియా క్రీడల్లో రికర్వ్ ఆర్చరీ మహిళల వ్యక్తిగత విభాగంలో బంగారు పతకం గెలిచిన తొలి భారతీయ క్రీడాకారిణిగా చరిత్రకెక్కింది. అది కూడా పదిహేడేండ్ల వయసులో సాధించిన విజయం మరో అద్భుతం! మహిళల టీమ్ రికర్వ్ ఆర్చరీలోనూ మరో బంగారు పతకం గెలిచింది. మిక్స్డ్ ఆర్చరీలో వెండి పతకం కూడా గెలిచింది. మొత్తంగా మూడు పతకాలు గెలిచిన కుంకుమ్ పేద తల్లిదండ్రుల కష్టానికి మించిన ఫలితాన్ని తెచ్చింది. గతంలో జరిగిన ఆర్చరీ వరల్డ్ చాంపియన్షిప్లో ఉమెన్స్ ఆర్చరీ టీమ్ రికర్వ్లో బంగారు పతకం గెలుచుకొచ్చింది. ఆర్చరీ మిక్స్డ్ రికర్వ్లో వెండి పతకం సాధించింది.
Read Today's Latest Sports News in Telugu and Telugu News
RELATED ARTICLES
తాజా వార్తలు
INDvPAK: అండర్19 ఆసియా కప్ ఫైనల్లో ఇండియా టార్గెట్ 338
Apprentice | ఇండియన్ ఆయిల్ కార్పొరేషన్ లిమిటెడ్లో 409 అప్రెంటిస్ ఖాళీలు
Suicide | కూలీ పనులు చేసి కూతురిని చదివిస్తున్న తల్లి.. యువకుడి వేధింపులకు ఆత్మహత్య..!
‘ఈ జాగ్రత్తలతో మధుమేహం నియంత్రణ’
Vaibhav Sooryavanshi: మెన్స్ టీ20 క్రికెట్లో యంగెస్ట్ కెప్టెన్గా వైభవ్ సూర్యవంశీ రికార్డు
ట్రెండింగ్ వార్తలు
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్
Watch: దంపతులు టీవీ చూస్తుండగా ఇంట్లోకి ప్రవేశించిన చిరుత.. తర్వాత ఏం జరిగిందంటే?
Viral News | ఎన్క్లోజర్ నుంచి సొరంగం తవ్వి తప్పించుకున్న పెద్దపులి.. తర్వాత ఏమైందంటే..!

