Jos Buttler | చాహల్ భార్యతో స్టెప్పులేసిన బట్లర్.. వైరల్ అవుతున్న వీడియో

May 31, 2022 / 03:01 PM IST

ఈ ఏడాది ఐపీఎల్‌లో అద్భుతంగా రాణించిన జట్లలో రాజస్థాన్ రాయల్స్ ఒకటి. ఐపీఎల్ తొలి సీజన్‌లో ట్రోఫీ నెగ్గిన ఆ జట్టు.. ఆ తర్వాత చెప్పుకోదగ్గ స్థాయిలో ప్రదర్శన చేయలేదు. అలాంటిది 14 ఏళ్ల తర్వాత మళ్లీ ఫైనల్ చేరింది. ఈసారి ఎలాగైనా కప్పు కొడుతుందని అనుకున్నా.. గుజరాత్ టైటాన్స్ చేతిలో ఓటమి పాలైంది.

అయితే ఆ జట్టు ఆటగాళ్లు జోస్ బట్లర్, యుజ్వేంద్ర చాహల్ తమ ఆటతీరుతో అందరినీ ఆకట్టుకున్నారు. బ్యాటుతో చెలరేగిన బట్లర్ ఆరెంజ్ క్యాప్ సాధించగా.. బంతితో మాయ చేసిన చాహల్ పర్పుల్ క్యాప్ సొంతం చేసుకున్నాడు. ఈ క్రమంలో చాహల్ భార్య ధనశ్రీ.. వీళ్లిద్దరికీ బాలీవడ్ డ్యాన్స్ నేర్పించడానికి ప్రయత్నించింది. భార్య చేస్తున్న డ్యాన్స్ తన వల్ల కాక చాహల్ మధ్యలోనే వదిలేసినా.. బట్లర్ మాత్రం చాలా కష్టపడి ఆమె మూవ్‌మెంట్స్ కాపీ చేయడానికి ప్రయత్నించాడు.

చివర్లో ముగ్గురూ కూడా చాహల్ స్టైల్‌లో నేలపై పడుకొని సెలబ్రేట్ చేసుకున్నారు. ఈ వీడియోను సోషల్ మీడియాలో పోస్టు చేసిన ధనశ్రీ.. ‘‘ఆరెంజ్, పర్పుల్ మధ్యలో పింక్’’ అంటూ క్యాప్షన్ ఇచ్చింది. ప్రస్తుతం ఈ వీడియో నెట్టింట తెగ వైరల్ అవుతోంది.