Kylian Mbappe : ఫ్రాన్స్ స్టార్ ఫుట్బాలర్ కిలియన్ ఎంబాపే (Kylian Mbappe) కొత్త క్లబ్కు మారడంపై ఇంకా స్పష్టత రాలేదు. పారిస్ సెయింట్ జర్మనీ (PSG) క్లబ్ను వీడి త్వరలోనే రియల్ మాడ్రిడ్(Real Madrid)కు మారతడానే వార్తలు వినిపించాయి. ఈ నేపథ్యంలో జర్మన్ ఫుట్బాలర్ టోనీ క్రూస్(Toni Kroos) ఫ్రాన్స్ మిడ్ఫీల్డర్ భవితవ్యంపై సరదా వ్యాఖ్యలు చేశాడు. ‘ఎంబాపేకు తన భవిష్యత్ ఏంటో తెలియదు. అలాంటప్పుడు నాకెలా తెలుస్తుంది?’ అని క్రూస్ జోక్ చేశాడు.
అంతేకాదు ‘మాడ్రిక్ జట్టులో అత్యుత్తమ ఆటగాడు ఉండాలి అనుకుంటున్నాం. అందుకు ఎంబాపే సరైనోడు అందులో ఎలాంటి సందేహం లేదు’ అని క్రూస్ వెల్లడించాడు. ఈ ఏడాది జూన్ 30వ తేదీన పీఎస్జీతో ఎంబాపే కాంట్రాక్ట్ ముగియనుంది. అప్పుడే అతడు రియల్ మాడ్రిక్ క్లబ్లో చేరే అవకాశముంది.
ప్రపంచంలోని మేటి ఫుట్బాలర్గా ఎదుగుతున్న ఎంబాపే.. 2007లో మొనాకో క్లబ్ నుంచి పీఎస్జీలో చేరాడు. అప్పటి నుంచి ఇప్పటివరకూ అదే క్లబ్తో కొనసాగుతున్నాడు. అయితే.. గత కొన్ని నెలలుగా ఎంబాపే.. పీఎస్జీ యాజమాన్యం వైఖరితో అసంతృప్తిగా ఉన్నాడు. దాంతో, అతడు ఆ క్లబ్ను వీడేందుకు సిద్ధమయ్యాడు.
ఖతర్ వేదికగా 2022 జరిగిన ఫిఫా వరల్డ్ కప్లో ఎంబాపే అదరగొట్టాడు. ఫైనల్లో హ్యాట్రిక్ గోల్స్(Hat-trick Goals) కొట్టి అర్జెంటీనా(Arjentina)ను వణికించాడు. కానీ, షూటౌట్లో 2-4తో ఫ్రాన్స్ ఓటమి పాలైంది. ఆ టోర్నీలో అత్యధికంగా 8 గోల్స్ కొట్టిన అతడికి ‘గోల్డెన్ బూట్’ అవార్డు లభించింది.