IBA – IOC : అంతర్జాతీయ బాక్సింగ్ అసోసిషేయన్(International Boxing Association)కు ఊహించని షాక్ తగిలింది. ప్రపంచవ్యాప్తంగా బాక్సింగ్ ఆటపై ఆ సంస్థ అధికారానికి తెరపడింది. అంతర్జాతీయ ఒలింపిక్ కమిటీ(International Olympic Committee) ఈరోజు ఐబీఏ గుర్తింపును రద్దు చేసింది. గురువారం సుదీర్ఘ సమయం సమావేశమైన ఐఓసీ కార్యవర్గం ఈ మేరకు నిర్ణయం తీసుకుంది. 69 ఓట్లతో ఐబీఏ గుర్తింపునకు మంగళం పాడింది. ఇంతకు కారణం ఏంటంటే..?
పాలనా, ఆర్థిక, నైతికపరమైన అంశాల్లో సంస్కరణలను అమలు పరచడంలో ఐబీఏ విఫలమైంది. అందుకని 2019లోనే ఐఓసీ ఈ సంస్థపై సస్ఫెన్షన్ విధించింది. ఈ రోజు ఏకంగా గుర్తింపును రద్దు చేస్తున్నట్టు నిర్ణయం వెలువరించింది. అయితే.. ఐఓసీ తీర్పును ఐబీఏ తీవ్రంగా ఖండించింది. ‘ఇది నిజంగా హేయమైన చర్య. పూర్తిగా రాజకీయపరమైన నిర్ణయం’ అని తెలిపింది.
వచ్చే ఏడాది ప్యారిస్ ఒలింపిక్స్(Paris Olympics 2024)లో బాక్సింగ్ పోటీలు యథావిధిగా జరుగుతాయి. అయితే.. బౌట్స్ మాత్రం ఒలింపిక్ కమిటీ నిర్వహించనుంది. ఉక్రెయిన్(Ukraine)పై యుద్ధం కారణంగా రష్యా ఇంధన కంపెనీ గజ్ప్రోమ్(Gazprom)తో స్పాన్సర్షిప్ ఒప్పందం రద్దు కావడం ఐబీఏను మరింత కష్టాల్లో పడేసింది. రష్యా వ్యాపారవేత్త ఉమర్ క్రెమ్లెవ్(Umar Kremlev) ఐబీఏ అధ్యక్షుడిగా ఉండడంతో ఈ డీల్ క్యాన్సిల్ అయింది.