Commonwealth Games | కామన్వెల్త్‌లో తేలిపోయిన భారత చిరుత.. 100 మీటర్ల పరుగులో సెమీస్‌ చేరలే..!

Commonwealth Games: గ్లాస్గో వేదికగా జరుగుతున్న కామన్వెల్త్ క్రీడల్లో(Commonwealth Games 2026) పతకంపై ఆశలు రేపిన గురిందెర్విర్ సింగ్‌ (Gurindervir Singh) ట్రాక్‌ అండ్ ఫీల్డ్‌లో తీవ్రంగా నిరాశపరిచాడు.

Commonwealth Games: గ్లాస్గో వేదికగా జరుగుతున్న కామన్వెల్త్ క్రీడల్లో(Commonwealth Games 2026) పతకంపై ఆశలు రేపిన గురిందెర్విర్ సింగ్‌ (Gurindervir Singh) ట్రాక్‌ అండ్ ఫీల్డ్‌లో తీవ్రంగా నిరాశపరిచాడు. సోమవారం నిర్వహించిన పురుషుల 100 మీటర్ల పరుగులో అతడు స్థాయికి తగ్గ ప్రదర్శన చేయలేదు. ఆరంభంలో దూకుడు కనబరిచినా చివరకు 10.39 సెకన్లలో పరుగు పూర్తి చేసి 28వ స్థానంలో నిలిచాడు. దాంతో, భారత చిరుతగా పేరొందిన అతడు కనీసం సెమీఫైనల్‌ కూడా చేరలేకపోయాడు.

ఇటేవలే 100 మీటర్ల పరుగులో భారత వేగవంతమైన అథ్లెట్‌గా రికార్డు నెలకొల్పిన గురిందెర్విర్ సింగ్ కామన్వెల్త్ క్రీడల్లో కచ్చితంగా పతకం గెలుస్తాడని అందరూ ఊహించరు. కానీ, మనోడు మాత్రం ఉసూరుమనిపించాడు.

Indian Fastest Man Gurindervir Singh was not able to Qualify for SF of 100m

– Clocked disappointing 10.39s in Men’s 100m & finished 28th place Overall 😢 pic.twitter.com/Is380unErA

— The Khel India (@TheKhelIndia) July 27, 2026

కామన్వెల్త్‌కు ముందు 10.10 సెకన్లతో రికార్డు సృష్టించిన గురిందెర్విర్.. గ్లాస్గోలో అంచనాలు అందుకోలేకపోయాడు. సోమవారం 73 మంది పోటీపడిన 100 మీటర్ల పరుగులో సెమీఫైనల్‌కు చేరాలంటే 10.24 సెకన్లు పూర్తి చేయాలి. కానీ, గురిందెర్విర్ మాత్రం 10.39 సెకన్లు తీసుకున్నాడు. 11 హీట్స్‌లో తేలిపోయిన భారత స్టార్ అథ్లెట్ మరీ దారుణంగా 28వ స్థానంలో నిలిచాడు. తొలి 17 స్థానాల్లోని వారు మాత్రమే ముందంజ వేశారు.