ICC | ఐసీసీ కోడ్ ఉల్లంఘ‌న‌.. పాకిస్థాన్ క్రికెట‌ర్‌కు డీ మెరిట్ పాయింట్..!

ICC : పాకిస్థాన్ మ‌హిళ‌ల జ‌ట్టు వికెట్ కీప‌ర్ గుల్ ఫిరోజా (Gull Feroza) అంత‌ర్జాతీయ క్రికెట్ మండ‌లి ఆగ్ర‌హానికి గురైంది. టీ20 ప్ర‌పంచ‌క‌ప్‌లో గుల్ ఐసీసీ కోడ్ ఉల్లంఘించ‌డ‌మే అందుకు కార‌ణం.

ICC : పాకిస్థాన్ మ‌హిళ‌ల జ‌ట్టు వికెట్ కీప‌ర్ గుల్ ఫిరోజా (Gull Feroza) అంత‌ర్జాతీయ క్రికెట్ మండ‌లి ఆగ్ర‌హానికి గురైంది. టీ20 ప్ర‌పంచ‌క‌ప్‌లో గుల్ ఐసీసీ కోడ్ ఉల్లంఘించ‌డ‌మే అందుకు కార‌ణం. ఆస్ట్రేలియాతో మ్యాచ్‌లో ఆమె లెవ‌ల్ 1 త‌ప్పిదానికి పాల్ప‌డింది. గుల్ త‌న నేరాన్ని అంగీక‌రించ‌డంతో రిఫ‌రీ ఆమెకు ఒక డీ మెరిట్ పాయింట్ విధించాడు.

ఇంగ్లండ్ వేదిక‌గా జ‌రుగుతున్న మ‌హిళ‌ల టీ20 ప్ర‌పంచక‌ప్‌లో పేల‌వ ప్ర‌ద‌ర్శ‌న క‌న‌బ‌రుస్తున్న పాకిస్థాన్‌కు ఐసీసీ షాకిచ్చింది. ఆ జ‌ట్టు బ్యాట‌ర్, వికెట్ కీప‌ర్ గుల్ ఫిరోజాకు ఒక డీమెరిట్ పాయింట్ విధించింది. జూన్ 23 మంగ‌ళ‌వారం ఆస్ట్రేలియాతో మ్యాచ్‌లో గుల్ ఐసీసీ నియామ‌వ‌ళిని ఉల్లంఘించింది. పాక్ ఇన్నింగ్స్ రెండో ఓవ‌ర్‌లో ఔటైన త‌ను.. డ‌గౌట్ వ‌ద్ద బ్యాట్, చేతి గ్లోవ్స్‌ను కోపంగా విసిరేసింది.

Pakistan keeper-batter reprimanded for ICC Code of Conduct breach during the Australia game. #T20WorldCup | Read more ⬇️https://t.co/iQl3gIojXC

— ICC (@ICC) June 25, 2026

ఐసీసీ ఆర్టిక‌ల్ 2.2 ప్ర‌కారం క్రికెట్ వ‌స్తువుల‌ను దెబ్బ‌తీయ‌డం వంటివి నేరంగా ప‌రిగ‌ణిస్తారు. గుల్ త‌న నేరాన్ని అంగీక‌రించ‌డంతో రిఫ‌రీ ఆమెకు ఒక డీమెరిట్ పాయింట్ కేటాయించారు. వ‌చ్చే 24 నెల‌ల్లో గుల్ మ‌రోసారి ఐసీసీ కోడ్‌ను అతిక్ర‌మిస్తే.. మ‌రో డీ మెరిట్ పాయింట్ రానుంది. ఆసీస్ నిర్దేశించిన 200 ఛేద‌న‌లో 86కే ఆలౌటైన పాక్ 113 ప‌రుగుల ఓట‌మిని మూట‌గ‌ట్టుకుంది.