PV Sindhu | ఫ్రెంచ్ ఓపెన్ ఫైన‌ల్‌లో పీవీ సింధు ఓట‌మి.. టైటిల్ గెలుచుకున్న వ‌రల్డ్ నెంబ‌ర్ వ‌న్ అన్ సె యంగ్

PV Sindhu : ఫ్రెంచ్ ఓపెన్ ఫైన‌ల్‌లో భార‌త క్రీడాకారిణి పీవీ సింధు ఓట‌మి పాలైంది. ద‌క్షిణ కొరియాకు చెందిన క్రీడాకారిణి అన్ సె యంగ్ చేతిలో ఓడిపోయింది. దీంతో ఫ్రెంచ్ ఓపెన్ ఉమ‌న్స్ సింగిల్ టైటిల్‌ను అన్ సె యంగ్ ద‌క్కించుకుంది.

PV Sindhu : ఫ్రెంచ్ ఓపెన్ ఫైన‌ల్‌లో భార‌త క్రీడాకారిణి పీవీ సింధు ఓట‌మి పాలైంది. ద‌క్షిణ కొరియాకు చెందిన క్రీడాకారిణి అన్ సె యంగ్ చేతిలో ఓడిపోయింది. దీంతో ఫ్రెంచ్ ఓపెన్ ఉమ‌న్స్ సింగిల్ టైటిల్‌ను అన్ సె యంగ్ ద‌క్కించుకుంది. ప్యారిస్‌లోని అరెనా గ్రాండ్ వేదిక‌గా ఆదివారం జ‌రిగిన ఫైన‌ల్‌లో సింధు.. వ‌రల్డ్ నెంబ‌ర్ వ‌న్ ర్యాంక్ ప్లేయ‌ర్ అన్ సె యంగ్ చేతిలో ఓట‌మి పాలైంది.

మూడు గేమ్‌లుగా గంట‌కుపైగా ఈ గేమ్ సాగింది. మొద‌టి గేమ్‌లో 16-21తో సింధు ఆధిక్యం ప్ర‌ద‌ర్శించింది. ఒక ద‌శ‌లో సింధు ఆట‌తీరుకు యంగ్ ఆందోళ‌న‌కు గ‌రైంది. అయితే, ఆ త‌ర్వాత యంగ్ త‌న పోరాట ప‌టిమ ప్ర‌దర్శించింది. సింధుకు ధీటుగా దూసుకెళ్లింది. ఫ‌లితంగా త‌ర్వాత సాగిన‌ రెండు గేమ్‌ల‌లో సింధు ఇదే ఆట తీరు చూప‌లేక‌పోయింది. దీంతో త‌ర్వాతి రెండు గేమ్‌ల‌ను 21-11, 21-12తో సింధు కోల్పోయింది.

దీంతో సింధు.. టైటిల్ కోసం జ‌రిగిన‌ తుదిపోరులో ఓట‌మి పాలైంది. అన్ సె యంగ్.. ఫ్రెంచ్ ఓపెన్ విజేత‌గా నిలిచింది. ఈ విజ‌యంతో అన్ సె యంగ్ వ‌రుస‌గా నాలుగోసారి ఫ్రెంచ్ ఓపెన్ టైటిల్ గెలుచుకుంది. ఇంత‌కుముందు సింధు-యంగ్ మ‌ధ్య 11 మ్యాచులు జ‌ర‌గ‌గా.. 11సార్లు సింధు ఓట‌మిపాలైంది.