Mexican Open : ఆస్ట్రేలియా టీనేజర్ అలెక్స్ డి మినౌర్( Alex De Minaur) మెక్సికన్ ఓపెన్ (Mexican Open 2024)లో చరిత్ర సృష్టించాడు. వరుసగా రెండో ఏడాది కూడా ట్రోఫీ విజేతగా నిలిచాడు. దాంతో, 2012 తర్వాత మెక్సికన్ ఓపెన్ ట్రోఫీని నిలబెట్టుకున్న తొలి ఆటగాడిగా మినౌర్ రికార్డు నెలకొల్పాడు. మెక్సికోలోని అకాపుల్కోలో ఆదివారం జరిగిన ఫైనల్లో మూడో సీడ్ ఆటగాడైన మినౌర్ తన తడాఖా చూపించాడు. వరుస సెట్లలో ఆధిపత్యం చెలాయించిన ఆసీస్ కుర్రాడు.. కాస్పెర్ రూడ్పై 6-4, 6-4తో విజయం సాధించాడు.
దాంతో, మెక్సికన్ ట్రోఫీని రెండు సార్లు ముద్దాడిన నాలుగో ఆటగాడిగా మినౌర్ రికార్డుల్లోకెక్కాడు. ‘అకాపుల్కో నాకు రెండో ఇల్లుతో సమానం. నిరుడు నా ప్రదర్శనతో నిరాశకు గురయ్యా. అయితే.. ఏడాది తర్వాత మళ్లీ ఇక్కడకు వచ్చి టైటిల్ నిలబెట్టుకున్నా. ఇది నిజంగా గొప్ప ఫీలింగ్’ అని మినౌర్ తెలిపాడు.
.@alexdeminaur y el punto del campeonato. 🔥#AMT2024 #CelebratingTennis pic.twitter.com/gFcGPo0Ak3
— Abierto Mexicano (@AbiertoTelcel) March 3, 2024
నిరుడు భారీ సుడిగాలి మెక్సికో సిటీని అతలాకుతలం చేసింది. ఆ నగరంలో తీవ్ర ఆస్తి, ప్రాణ నష్టం సంభవించింది. ఏకంగా 52 మంది ప్రాణాలు కోల్పయారు. దాంతో, నిర్వాహకులు మెక్సికన్ ఓపెన్ను రద్దు చేశారు. కానీ, తమ ప్రజల ముఖాల్లో సంతోషం చూసేందుకు టోర్నీ నిర్వహించేందుకు సిద్ధమయ్యారు. చివరకు వాళ్లు అనుకున్నట్టుగానే టోర్నీ బాగా సక్సెస్ అయింది. ఫైనల్లో ఓడిన కాస్పర్ రూడ్ తొలి ఏటీపీ 500 టైటిల్ను మిస్ అయ్యాడు.