Bill Gates | డాలీ ఛాయ్‌వాలా టీస్టాల్‌లో బిల్ గేట్స్ ఛాయ్ పే చ‌ర్చ
Bill Gates : మైక్రోసాఫ్ట్ స‌హ వ్య‌వ‌స్ధాప‌కులు బిల్ గేట్స్ త‌న భార‌త ప‌ర్య‌ట‌న నుంచి ఓ వీడియోను షేర్ చేశారు. ఈ క్లిప్‌లో టీని ఆస్వాదిస్తూ ఆయ‌న లోక‌ల్ క‌ల్చ‌ర్‌ను అనుభూతి చెందారు.
Bill Gates : మైక్రోసాఫ్ట్ స‌హ వ్య‌వ‌స్ధాప‌కులు బిల్ గేట్స్ త‌న భార‌త ప‌ర్య‌ట‌న నుంచి ఓ వీడియోను షేర్ చేశారు. ఈ క్లిప్‌లో టీని ఆస్వాదిస్తూ ఆయ‌న లోక‌ల్ క‌ల్చ‌ర్‌ను అనుభూతి చెందారు. సోష‌ల్ మీడియాలో ప్ర‌స్తుతం తెగ వైర‌ల‌వుతున్న ఈ వీడియోలో డాలీ ఛాయ్‌వాలా నిర్వ‌హిస్తున్న టీ స్టాల్‌లో బిల్ గేట్స్ సంద‌డి చేశారు.
భార‌త్‌లో దైనందిన జీవితంలో వినూత్నత ఉట్టిప‌డుతుంద‌ని ఇన్‌స్టాగ్రాం పోస్ట్‌లో గేట్స్ రాసుకొచ్చారు. ఈ వీడియో క్లిప్ గేట్స్ వ‌న్ ఛాయ్ ప్లీజ్ అని కోరుతుండ‌టంతో ప్రారంభ‌మ‌వుతుంది. టీ విక్రేత ప్ర‌త్యేకమైన బండిలో టీ ప్రిపేర్ చేసే వినూత్న ప‌ద్ధ‌తి ఆక‌ట్టుకుంటుంద‌ని గేట్స్ పేర్కొన్నారు.
View this post on Instagram
భార‌త్‌కు తిరిగి రావ‌డం ప‌ట్ల ఉద్వేగంగా ఉంద‌ని హాట్ టీని ఆస్వాదిస్తూ గేట్స్ చెబుతుండ‌టం ఈ క్లిప్‌లో చూడొచ్చు. జీవితాల‌ను మెరుగుప‌రుచుకునేందుకు భార‌త్‌లో ఎంద‌రో అద్భుత‌మైన ఇన్నోవేట‌ర్స్ ఉన్నార‌ని కొనియాడారు. తేనీరును త‌యారుచేసే స‌ర‌ళ‌మైన ప‌నిని కూడా క‌ళాత్మ‌కంగా చేయ‌డం భార‌తీయుల గొప్ప‌త‌న‌మ‌ని ప్ర‌శంసించారు. టీ విక్రేత ప‌క్క‌నే నిల్చుని మ‌రిన్ని ఛాయ్ పే చ‌ర్చ‌ల కోసం వేచిచూస్తున్నాన‌ని గేట్స్ చెప్ప‌డంతో వీడియో ముగుస్తుంది.
Read More :
Read Today's Latest National News in Telugu and Telugu News
- Follow Us :
-
