Dipendra Singh Airee | అల్ అమెరాత్(ఖతార్): టీ20 క్రికెట్లో మరో సంచలనం! అసాధ్యాన్ని సుసాధ్యం చేస్తూ క్రికెట్ పసికూన నేపాల్ తమ సత్తాఏంటో ప్రపంచానికి చూపెట్టింది. ఏసీసీ ప్రీమియర్ కప్ టీ20 ఇంటర్నేషనల్ టోర్నీలో భాగంగా ఖతార్తో శనివారం జరిగిన మ్యాచ్లో నేపాల్ హార్డ్హిట్టర్ దీపేంద్రసింగ్ ఐరీ (21బంతుల్లో 64 నాటౌట్)ఆరు బంతుల్లో ఆరు సిక్స్లతో దుమ్మురేపాడు. ఖతార్ బౌలర్ కమ్రాన్ ఖాన్ వేసిన ఇన్నింగ్స్ ఆఖరి ఓవర్లో దీపేంద్ర ఆకాశమే హద్దుగా చెలరేగాడు. అప్పటి వరకు 15 బంతుల్లో 28 పరుగులు చేసిన ఈ యువ క్రికెటర్..కమ్రాన్ ఆరు బంతులను ఆరు సిక్స్లుగా మలిచి అద్భుతం చేశాడు.
బంతి పిచ్పై పడితే ఆలస్యం..ఆకలిగొన్న పులిలా వేటాడిన దీపేంద్ర బౌండరీ బయటకు పంపాడు. ఈ క్రమంలో అంతర్జాతీయ టీ20ల్లో ఈ ఫీట్ సాధించిన మూడో క్రికెటర్గా భారత దిగ్గజ క్రికెటర్ యువరాజ్సింగ్తో పాటు కీరన్ పొలార్డ్ సరసన చేరాడు. దీపేంద్ర దంచుడుతో నేపాల్ నిర్ణీత 20 ఓవర్లలో 210/7 స్కోరు చేసింది. ఆ తర్వాత లక్ష్యఛేదనలో ఖతార్ 178/9 స్కోరుకు పరిమితమైంది. బ్యాటింగ్లో దుమ్మురేపిన దీపేం ద్ర.. బౌలింగ్లోనూ రెండు వికెట్లు తీసి ‘మ్యాన్ ఆఫ్ ద మ్యా చ్’గా నిలిచా డు. అన్నట్లు ఈ మ్యాచ్లో నేపాల్ 32 పరుగులతో గెలిచింది.