IPL 2023 : లక్నో సూపర్ జెయింట్స్(Lucknow Super Giants) పేసర్ అవేశ్ ఖాన్(Avesh Khan)పై బీసీసీఐ చర్యలకు ఉపక్రమించింది. కారణం ఏంటంటే.. అతను ఐపీఎల్ కోడ్ ఆఫ్ కండక్ట్ లెవల్ 1 ఉల్లంఘనకు పాల్పడ్డాడు. చిన్నస్వామి స్టేడియంలో రాయల్ చాలెంజర్స్ బెంగళూరు(RCB)పై ఆఖరి బంతికి సింగిల్ తీసి లక్నోను గెలిపించిన అతను ఉద్రేకాన్ని నియంత్రించుకోలేక పోయాడు. ఆవేశంగా హెల్మెట్ను నేలకేసి కొట్టి సంబురాలు చేసుకున్నాడు.
అతడి ప్రవర్తనను తీవ్రంగా పరిగణించిన బీసీసీఐ చర్యలు తీసుకోనుంది. అవేశ్ ఖాన్ కూడా తన నేరాన్ని అంగీకరించాడు. అయితే.. అతడిపై ఎలాంటి చర్యలు తీసుకోనున్నారు? అనేది మ్యాచ్ రిఫరీ నిర్ణయంపై ఆధారపడి ఉంది.
𝗪𝗛𝗔𝗧. 𝗔. 𝗚𝗔𝗠𝗘 🤯🤯🤯@LucknowIPL pull off a last-ball win!
A roller-coaster of emotions in Bengaluru 🔥🔥
Follow the match ▶️ https://t.co/76LlGgKZaq#TATAIPL | #RCBvLSG pic.twitter.com/96XwaYaOqT
— IndianPremierLeague (@IPL) April 10, 2023
ఉత్కంఠ పోరులో లక్నో సూపర్ జెయింట్స్పై ఓడిపోయిన ఆర్సీబీకి మరో షాక్. కెప్టెన్ ఫాఫ్ డూప్లెసిస్( Faf du Plessis) జరిమానాకు గురయ్యాడు. స్లో ఓవర్ రేటు కారణంగా మ్యాచ్ రెఫరీ అతడికి రూ.12 లక్షల జరిమానా విధించారు. ఆఖరి బంతి వరకు విజయం దోబూచులాడిన ఈ మ్యాచ్లో మొదట బ్యాటింగ్ చేసిన ఆర్సీబీ 212 రన్స్ కొట్టింది. విరాట్ కోహ్లీ(61), డూప్లెసిస్(79), మ్యాక్స్వెల్(59) హాఫ్ సెంచరీలతో చెలరేగారు. భారీ లక్ష్య ఛేదనలో లక్నో బ్యాటర్లు దంచి కొట్టారు. మార్కస్ స్టోయినిస్(65), నికోలస్ పూరన్ (62) సిక్స్లతో ఆర్సీబీ బౌలర్లను హడలెత్తించారు. ఆఖరి ఓవర్లో ఉత్కంఠ నెలకొంది. హర్షల్ పటేల్ మన్కడింగ్కు ప్రయత్నించి విఫలం అయ్యాడు. అవేశ్ ఖాన్ సింగిల్ తీయడంతో లక్నో టీమ్ సంబురాలు చేసుకుంది.