త‌డ‌బడ్డ వెస్టిండీస్‌.. ఆస్ట్రేలియా ముందు మోస్త‌రు టార్గెట్‌

AUSvsWI | టీ20 వ‌రల్డ్‌క‌ప్‌లో భాగంగా జ‌రుగుతున్న మ్యాచ్‌లో ఆస్ట్రేలియా బౌల‌ర్లు విజృంభించారు. భారీ స్కోర్ చేయ‌కుండా వెస్టిండీస్‌ను ఆసీస్ బౌల‌ర్లు అడ్డుకున్నారు. దీంతో నిర్ణీత 20 ఓవ‌ర్లు ముగిసేస‌రికి 7 వికెట్ల న‌ష్టానికి వెస్టిండీస్ 157 ప‌రుగుల‌కే ప‌రిమిత‌మైంది. ఆసీస్‌కు 158 ప‌రుగుల టార్గెట్‌ను నిర్దేశించింది.

తొలుత టాస్ ఓడి బ్యాటింగ్‌కు దిగిన వెస్టిండీస్ బ్యాట‌ర్లు ఆరంభంలో అద‌ర‌గొట్టారు. కేవ‌లం రెండు ఓవ‌ర్ల‌లోనే 24 ప‌రుగులు చేశారు. ఇక మూడో ఓవ‌ర్‌లో రెండో బంతికి క్రిస్ గేల్ ( 15)ను క‌మిన్స్ క్లీన్ బౌల్డ్ చేశాడు. అప్ప‌టి నుంచి ప‌రుగులు చేయ‌డంలో వెస్టిండీస్ ప్లేయ‌ర్లు పూర‌న్ ( 4), రోస్ట‌న్ ( 0), ఎవిన్ లూయిస్ ( 29), హిట్‌మెయిర్ (27) త‌డ‌బ‌డ్డారు. ఫ‌లితంగా 100 ప‌రుగుల లోపే 5 వికెట్ల‌ను కోల్పోయింది. దీంతో పొలార్డ్ (44) తో క‌లిసి బ్రావో (12) వెస్టిండీస్‌ను ఆదుకునే ప్ర‌య‌త్నం చేశాడు. కానీ ఇద్ద‌రూ స్వ‌ల్ప వ్య‌వ‌ధిలోనే పెవిలియ‌న్‌కు చేరారు. ఆఖ‌ర‌ల్లో ర‌స్సెల్ ( 18) రెండు బంతుల‌ను సిక్స‌ర్లు బాద‌డంతో వెస్టిండీస్ ఓ మోస్త‌రు స్కోర్ అయినా చేయ‌గ‌లిగింది.