వీరూ తనయుడి భారీ శతకం

జూనియర్‌ క్రికెట్‌లో సత్తాచాటుతున్న భారత దిగ్గజం వీరేంద్ర సెహ్వాగ్‌ తనయుడు ఆర్యవీర్‌ సెహ్వాగ్‌.. మరో సంచలన ఇన్నింగ్స్‌ ఆడాడు.

విజయనగరం: జూనియర్‌ క్రికెట్‌లో సత్తాచాటుతున్న భారత దిగ్గజం వీరేంద్ర సెహ్వాగ్‌ తనయుడు ఆర్యవీర్‌ సెహ్వాగ్‌.. మరో సంచలన ఇన్నింగ్స్‌ ఆడాడు. వినూ మన్కడ్‌ ట్రోఫీలో భాగంగా ఢిల్లీ అండర్‌-19 జట్టుకు సారథిగా వ్యవహరిస్తున్న ఈ చిన్నోడు.. శుక్రవారం చండీగఢ్‌తో మ్యాచ్‌ ఆడుతూ 173 రన్స్‌ చేశాడు.

ఇందులో 19 ఫోర్లు, 8 భారీ సిక్సర్లు ఉండటం విశేషం. అయితే ఆర్యవీర్‌ వీరోచిత పోరాటం చేసినా ఆ జట్టు నిర్దేశించిన 290 పరుగుల ఛేదనను చండీగఢ్‌ 41.3 ఓవర్లలో ఐదు వికెట్లే కోల్పోయి దంచేసింది.