Samsung Galaxy S22 | హైఎండ్ ఫీచ‌ర్ల‌తో సామ్‌సంగ్ గెలాక్సీ ఎస్‌22 సిరీస్ లాంచ్‌.. ధ‌రెంతో తెలుసా?

సామ్‌సంగ్ గెలాక్సీ ఎస్‌22 ఫోన్‌లో ఆండ్రాయిడ్ 12, 6.1 ఇంచ్ ఫుల్ హెచ్‌డీ డైన‌మిక్ ఏఎంవోఎల్ఈడీ 2 ఎక్స్ డిస్‌ప్లే

Samsung Galaxy S22 | ప్ర‌ముఖ ఎల‌క్ట్రానిక్ దిగ్గ‌జం సామ్‌సంగ్ నుంచి తాజాగా గెలాక్సీ ఎస్‌22 సిరీస్ లాంచ్ అయింది. భార‌త మార్కెట్‌లో సామ్‌సంగ్ గెలాక్సీ ఎస్‌22తో పాటు గెలాక్సీ ఎస్‌22 ప్ల‌స్, గెలాక్సీ ఎస్22 అల్ట్రా ఫోన్ల‌ను విడుద‌ల చేసింది. కంపెనీ సోష‌ల్ మీడియా చానెల్స్ ద్వారా వర్చువ‌ల్‌గా ఎస్‌22 సిరీస్‌ను సామ్‌సంగ్ లాంచ్ చేసింది.

గెలాక్సీ అన్‌ప్యాక్డ్ 2022 వ‌ర్చువ‌ల్ ఈవెంట్‌లోనే ఈ ఫోన్ల‌ను సామ్‌సంగ్ లాంచ్ చేసింది. తాజాగా.. భార‌త విప‌ణిలోకి ఈ ఫోన్ల‌ను తీసుకొచ్చింది. గ‌త సంవ‌త్స‌రం విడుద‌లైన గెలాక్సీ ఎస్‌21 మోడ‌ల్స్‌కు ఇవి కొన‌సాగింపుగా వ‌చ్చాయి.

సామ్‌సంగ్ గెలాక్సీ ఎస్‌22 బెసిక్ మోడ‌ల్ అంటే 8జీబీ ప్ల‌స్ 128 జీబీ స్టోరేజ్ వేరియంట్ ధ‌ర‌ను రూ.72,999గా నిర్ణ‌యించారు. 8 జీబీ ప్ల‌స్ 256 జీబీ వేరియంట్ ధ‌ర రూ.76,999గా నిర్ణ‌యించారు. సామ్‌సంగ్ గెలాక్సీ ఎస్‌22 ప్ల‌స్ 8 జీబీ ప్ల‌స్ 128 జీబీ మోడ‌ల్ ధ‌ర రూ.84,999 కాగా.. 256 జీబీ వేరియంట్ ధ‌ర రూ.88,999గా ఉంది.

సామ్‌సంగ్ గెలాక్సీ ఎస్‌22 అల్ట్రాలో 12 జీబీ ప్ల‌స్ 256 జీబీ మోడ‌ల్ ధ‌ర రూ.1,09,999గా ఉంది. 12 జీబీ ప్ల‌స్ 512 జీబీ మోడ‌ల్ ధ‌ర రూ.1,18,999గా ఉంది.

సామ్‌సంగ్ గెలాక్సీ ఎస్‌22 ఫోన్‌లో ఆండ్రాయిడ్ 12, 6.1 ఇంచ్ ఫుల్ హెచ్‌డీ డైన‌మిక్ ఏఎంవోఎల్ఈడీ 2 ఎక్స్ డిస్‌ప్లే, 4 ఎన్ఎం ఆక్టా కోర్ స్నాప్‌డ్రాగ‌న్ 8 జ‌న‌రేష‌న్ 1 ఎస్‌వోసీ ప్రాసెస‌ర్, ట్రిపుల్ రేర్ కెమెరా, 50 ఎంపీ రేర్ కెమెరా, 10 ఎంపీ సెల్ఫీ కెమెరా, 3700 ఎంఏహెచ్ బ్యాట‌రీ లాంటి పీచ‌ర్లు ఉండ‌నున్నాయి.

సామ్‌సంగ్ గెలాక్సీ ఎస్‌22 ప్ల‌స్‌లో కూడా సేమ్ ఎస్‌22 ఫీచ‌ర్లే ఉంటాయి కానీ.. డిస్‌ప్లే మాత్రం 6.6 ఇంచులు ఉంటుంది. 4500 ఎంఏహెచ్ బ్యాట‌రీ, 45 వాట్స్ వైర్‌డ్ చార్జింగ్‌, 15 వాట్స్ వైర్‌లెస్ చార్జింగ్‌, ప‌వ‌ర్ షేర్ స‌పోర్ట్ లాంటి ఫీచ‌ర్లు ఉండ‌నున్నాయి.

సామ్‌సంగ్ గెలాక్సీ ఎస్‌22 అల్ట్రాలో 6.8 ఇంచ్ ఎడ్జ్ క్యూహెచ్‌డీ ప్ల‌స్ డైన‌మిక్ ఏఎంవోఎల్ఈడీ డిస్‌ప్లే, 108 ఎంపీ రేర్ కెమెరా, 40 ఎంపీ సెల్ఫీ కెమెరా, 5000 ఎంఏహెచ్ బ్యాట‌రీ, 45 వాట్స్ వైర్‌డ్, 15 వాట్స్ వైర్‌లెస్ చార్జింగ్ ఫీచ‌ర్లు ఉండ‌నున్నాయి.