Poco | 23న పోకో ఎఫ్‌4 5జీ గ్లోబ‌ల్ లాంఛ్‌..హాట్ ఫీచ‌ర్లు ఏంటంటే!

పోకో ఎఫ్‌4 5జీ జూన్ 23న గ్లోబ‌ల్ మార్కెట్‌లో లాంఛ్ కానుంద‌ని కంపెనీ గురువారం ప్ర‌క‌టించింది. అధికారిక లాంఛ్‌కు ముందు స్మార్ట్‌ఫోన్ స్పెసిఫికేష‌న్స్‌ను పోకో వెల్ల‌డించింది.

న్యూఢిల్లీ : పోకో ఎఫ్‌4 5జీ జూన్ 23న గ్లోబ‌ల్ మార్కెట్‌లో లాంఛ్ కానుంద‌ని కంపెనీ గురువారం ప్ర‌క‌టించింది. అధికారిక లాంఛ్‌కు ముందు స్మార్ట్‌ఫోన్ స్పెసిఫికేష‌న్స్‌ను పోకో వెల్ల‌డించింది. లేటెస్ట్ పోకో స్మార్ట్‌ఫోన్ క్వాల్‌కాం స్నాప్‌డ్రాగ‌న్ 870 ఎస్ఓసీ చిప్‌సెట్‌తో పాటు ట్రిపుల్ రియ‌ర్ కెమెరాలు, లిక్విడ్‌కూల్ కూలింగ్ సిస్టం 2.0 వంటి హాట్ ఫీచ‌ర్ల‌తో క‌స్ట‌మర్ల ముందుకు రానుంది.

పోకో ఎఫ్‌4 5జీ పేరుకు త‌గిన‌ట్టు 5జీ స‌పోర్ట్‌ను క‌లిగిఉంది. రెండు క‌ల‌ర్ ఆప్ష‌న్స్‌లో పోకో ఎఫ్‌4 5జీ అందుబాటులో ఉంటుంద‌ని కంపెనీ తెలిపింది. పోకో ఎఫ్‌4 5జీ రియ‌ర్ కెమ‌రా మాడ్యూల్ విష‌యానికి వ‌స్తే ఓఐఎస్ సపోర్ట్‌తో 64 మెగాపిక్సెల్ కెమెరా సెన్స‌ర్‌ను క‌లిగిఉంది.

ఐఫోన్ 12 సిరీస్ స్ఫూర్తితో ఫ్లాట్ ఎడ్జ్ డిజైన్‌ను గ‌మ‌నించ‌వ‌చ్చు. ఇక లేటెస్ట్‌ స్మార్ట్‌ఫోన్ 6.67 ఇంచ్ ఫుల్ హెచ్‌డీ+ అమోల్డ్ డిస్‌ప్లే, 67డ‌బ్ల్యూ ఫాస్ట్ చార్జింగ్ స‌పోర్ట్‌తో పాటు ఆండ్రాయిడ్ 12 ఆధారిత ఎంఐయూఐ 13 అవుటాఫ్ ది బాక్స్ ఓఎస్‌పై ఈ ఫోన్ ర‌న్ అవుతుంది. ఇక‌ భార‌త్‌లో పోకో ఎఫ్‌4 5జీ ధ‌ర వివరాలు ఇంకా వెల్ల‌డి కాలేదు.