OnePlus 10T 5G | 150డ‌బ్ల్యూ ఫాస్ట్‌చార్జింగ్ స‌పోర్ట్‌తో వ‌న్‌ప్ల‌స్ 10టీ 5జీ

వ‌న్‌ప్ల‌స్ 10టీ 5జీ డిజైన్ వివ‌రాలు ఆన్‌లైన్‌లో లీక‌య్యాయి. వ‌న్‌ప్ల‌స్ 10 ప్రొ 5జీ త‌ర్వాత వ‌న్‌ప్ల‌స్ 10 సిరీస్‌లో ఈ ప్రీమియం ఫోన్ రెండ‌వ స్మార్ట్‌ఫోన్‌గా క‌స్ట‌మ‌ర్ల ముందుకు రానుంది.

న్యూఢిల్లీ : వ‌న్‌ప్ల‌స్ 10టీ 5జీ డిజైన్ వివ‌రాలు ఆన్‌లైన్‌లో లీక‌య్యాయి. వ‌న్‌ప్ల‌స్ 10 ప్రొ 5జీ త‌ర్వాత వ‌న్‌ప్ల‌స్ 10 సిరీస్‌లో ఈ ప్రీమియం ఫోన్ రెండ‌వ స్మార్ట్‌ఫోన్‌గా క‌స్ట‌మ‌ర్ల ముందుకు రానుంది. వ‌న్‌ప్ల‌స్ 10టీ 5జీ ప్రొడ‌క్ష‌న్‌ జులైలో ప్రారంభం కానుంది. లేటెస్ట్ వ‌న్‌ప్ల‌స్ స్మార్ట్‌ఫోన్ డిజైన్ ఈ నెలాఖ‌రున ఖ‌రార‌వుతుంద‌ని టెక్ నిపుణుడు యోగేష్ బ్రార్ తెలిపారు.

ఇక ఆన్‌లైన్‌లో లీకైన వ‌న్‌ప్ల‌స్ 10టీ 5జీ డిజైన్ ప్ర‌కారం లేటెస్ట్ స్మార్ట్‌ఫోన్ వ‌న్‌ప్ల‌స్ 10 ప్రొను పోలిఉంటుంది కెమెరా మాడ్యూల్ డిజైన్ వ‌న్‌ప్ల‌స్ 10ప్రొ త‌ర‌హాలో ఉంటుంది. ఎల్ఈడీ మాడ్యూల్ పొజిష‌న్ స్ధానంలో లెన్స్ జోడిస్తారు. 150డ‌బ్ల్యూ ఫాస్ట్ చార్జింగ్ స‌పోర్ట్‌తో 4800ఎంఏహెచ్ బ్యాట‌రీ సామ‌ర్ధ్యం క‌లిగిఉంటుంది.

ఎఫ్‌\1.8 అపెర్చ‌ర్‌తో 50ఎంపీ సోనీ ఐఎంఎక్స్‌766 మెయిన్ కెమెరాతో వ‌న్‌ప్ల‌స్ 10టీ 5జీ క‌స్ట‌మ‌ర్ల‌ను ఆక‌ట్టుకోనుంది. 8ఎంపీ అల్ట్రావైడ్ కెమెరా, 2ఎంపీ మ్యాక్రో కెమెరా, సెల్ఫీల కోసం ఫోన్ ముందుభాగంలో 16ఎంపీ కెమెరా ఉంటుంది. 6.7 ఇంచ్ పుల్ హెచ్‌డీ+ ఓఎల్ఈడీ డిస్‌ప్లేను క‌లిగిఉంటుంది. ఇక వ‌న్‌ప్ల‌స్ 10టీ 5జీ ఆండ్రాయిడ్ 12 ఆధారిత ఆక్సిజ‌న్ ఓఎస్ 12పై ర‌న్ అవుతుంది.