OnePlus 10 Pro | చైనాకు చెందిన స్మార్ట్ఫోన్ తయారీ సంస్థ వన్ప్లస్ త్వరలో వన్ప్లస్ 10 ప్రో మోడల్ ఫోన్ను లాంచ్ చేయనుంది. ఇప్పటికే ఈ ఫోన్ లాంచ్ గురించి వన్ప్లస్ కన్ఫమ్ చేసినా.. దాని ఫీచర్లు, ధర లాంటి వివరాలను చెప్పలేదు. అయితే.. జనవరి 11న చైనాలో ముందు లాంచ్ కానున్న ఈ ఫోన్ ఫీచర్లు, ధర వివరాలు సోషల్ మీడియాలో హల్చల్ చేస్తున్నాయి.
వన్ప్లస్ 10 ప్రోలో మూడు వేరియంట్లు ఉంటాయి. 8జీబీ ర్యామ్ ప్లస్ 128 జీబీ స్టోరేజ్, 8జీబీ ర్యామ్ ప్లస్ 256 జీబీ స్టోరేజ్, 12 జీబీ ర్యామ్ ప్లస్ 256 జీబీ స్టోరేజ్ వేరియంట్లతో ఈ ఫోన్ విడుదల కానుంది. బేసిక్ వేరియంట్ అంటే 8జీబీ ర్యామ్ ప్లస్ 128 జీబీ స్టోరేజ్ ధర రూ.35 వేల నుంచి 40 వేల లోపు ఉండొచ్చని అంచనా వేస్తున్నారు. 256 జీబీ వేరియంట్ అయితే రూ.46 వేల నుంచి 58 వేల లోపు ఉండొచ్చని తెలుస్తోంది.
ఇక ఫీచర్ల విషయానికి వస్తే.. 50 ఎంపీ ఆల్ట్రా వైడ్ యాంగిల్ సెన్సార్, 6.70 ఇంచ్ డిస్ప్లే, 5000 ఎంఏహెచ్ బ్యాటరీ లాంటివి ఉండనున్నాయి.
ముఖ్యంగా ఫోటోగ్రఫీ కోసం ఈ ఫోన్ సూపర్బ్గా పనిచేస్తుంది. 10 బిట్ కలర్ ఫోటోగ్రఫీతో వన్ప్లస్ నుంచి వస్తున్న తొలి స్మార్ట్ఫోన్ ఇది. 12 బిట్ రా ఫోటోగ్రాఫ్స్ ఫీచర్ వల్ల జేపీఈజీ, రా ఇమేజెస్ను ఒకేసారి క్యాప్చర్ చేసుకోవచ్చు. అలాగే ఎల్ఓజీ అనే ఫార్మాట్ ద్వారా కూడా బెస్ట్ ఫోటోలను తీసుకోవచ్చు.