Lava Storm Lite 5G | అతి త‌క్కువ ధ‌ర‌లోనే 5జి స్మార్ట్ ఫోన్ల‌ను లాంచ్ చేసిన లావా.. ఫీచ‌ర్లు ఎలా ఉన్నాయంటే..?

మీరు అతి త‌క్కువ ధ‌ర‌లోనే 5జి ఆండ్రాయిడ్ స్మార్ట్ ఫోన్‌ను కొనాల‌ని చూస్తున్నారా..? అయితే మీ కోస‌మే లావా కంపెనీ లేటెస్ట్‌గా 2 నూత‌న స్మార్ట్ ఫోన్ల‌ను భార‌త మార్కెట్‌లో లాంచ్ చేసింది. వీటిల్లో అందిస్తున్న ఫీచ‌ర్లు కూడా ఆక‌ట్టుకునేలా ఉండ‌డం విశేషం.

Lava Storm Lite 5G | మీరు అతి త‌క్కువ ధ‌ర‌లోనే 5జి ఆండ్రాయిడ్ స్మార్ట్ ఫోన్‌ను కొనాల‌ని చూస్తున్నారా..? అయితే మీ కోస‌మే లావా కంపెనీ లేటెస్ట్‌గా 2 నూత‌న స్మార్ట్ ఫోన్ల‌ను భార‌త మార్కెట్‌లో లాంచ్ చేసింది. వీటిల్లో అందిస్తున్న ఫీచ‌ర్లు కూడా ఆక‌ట్టుకునేలా ఉండ‌డం విశేషం. లావా కంపెనీ స్టార్మ్ లైట్ 5జి, స్టార్మ్ ప్లే 5జి పేరిట 2 నూత‌న బ‌డ్జెట్ ఆండ్రాయిడ్ స్మార్ట్ ఫోన్ల‌ను లాంచ్ చేసింది. ఈ రెండు ఫోన్ల‌లోనూ 6.75 ఇంచుల ఎల్‌సీడీ డిస్‌ప్లేను ఏర్పాటు చేశారు. వీటికి హెచ్‌డీ ప్ల‌స్ రిజ‌ల్యూషన్‌, 120 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే క్వాలిటీగా ఉంటుంద‌ని చెప్ప‌వ‌చ్చు. లావా స్టార్మ్ లైట్ ఫోన్‌లో మీడియాటెక్ డైమెన్సిటీ 6400 ఆక్టాకోర్ ప్రాసెస‌ర్‌ను ఏర్పాటు చేశారు.

ప్రాసెస‌ర్‌, ర్యామ్‌..

స్టార్మ్ ప్లే స్మార్ట్ ఫోన్‌లో మీడియాటెక్ డైమెన్సిటీ 7060 ఆక్టాకోర్ ప్రాసెస‌ర్‌ను ఏర్పాటు చేశారు. స్టార్మ్ లైట్ ఫోన్‌లో 4జీబీ ర్యామ్‌, 64జీబీ, 128 జీబీ స్టోరేజ్ వేరియెంట్ల‌ను అందిస్తున్నారు. అలాగే స్టార్మ్ ప్లే స్మార్ట్ ఫోన్‌లో 6జీబీ ర్యామ్‌, 128జీబీ స్టోరేజ్‌ను అందిస్తున్నారు. ఈ రెండు ఫోన్ల‌లో కూడా మైక్రో ఎస్‌డీ కార్డు ద్వారా మెమొరీని పెంచుకునే అవ‌కాశం క‌ల్పిస్తున్నారు. ఈ రెండు ఫోన్ల‌లోనూ యూజ‌ర్ల‌కు ఆండ్రాయిడ్ 15 ఆప‌రేటింగ్ సిస్ట‌మ్ ల‌భిస్తుంది. డ్యుయ‌ల్ సిమ్‌ల‌ను వేసుకోవ‌చ్చు. వెనుక వైపు 50 మెగాపిక్స‌ల్ ప్ర‌ధాన కెమెరాతోపాటు మ‌రో 2 మెగాపిక్స‌ల్ సెకండ‌రీ కెమెరాను కూడా ఇచ్చారు. ముందు వైపు 8 మెగాపిక్స‌ల్ కెమెరా ఉంది. ఫింగ‌ర్ ప్రింట్ సెన్సార్‌ను ప‌క్క భాగంలో ఇచ్చారు.

భారీ బ్యాట‌రీ..

ఈ రెండు ఫోన్ల‌లోనూ 5జి సేవ‌ల‌ను వినియోగదారులు ఉప‌యోగించుకోవ‌చ్చు. 4జీ వీవోఎల్‌టీఈ, డ్యుయ‌ల్ బ్యాండ్ వైఫై, బ్లూటూత్ 5.3, యూఎస్‌బీ టైప్ సి వంటి అద‌న‌పు ఫీచ‌ర్ల‌ను ఈ ఫోన్‌లో అందిస్తున్నారు. స్టార్మ్ ప్లే, స్టార్మ్ లైట్ రెండు ఫోన్ల‌లోనూ 5000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేయ‌గా స్టార్మ్ ప్లే ఫోన్‌కు 18 వాట్ల ఫాస్ట్ చార్జింగ్‌ను, స్టార్మ్ లైట్ ఫోన్‌కు 15 వాట్ల ఫాస్ట్ చార్జింగ్‌ను అందిస్తున్నారు. అందువ‌ల్ల ఈ ఫోన్ల‌ను వేగంగా చార్జింగ్ చేసుకోవ‌చ్చు కూడా.

ధ‌ర వివ‌రాలు..

లావా స్టార్మ్ లైట్ 5జి స్మార్ట్ ఫోన్ ఆస్ట్ర‌ల్ బ్లూ, కాస్మిక్ టైటానియం క‌ల‌ర్ ఆప్ష‌న్ల‌లో లాంచ్ అయింది. ఈ ఫోన్‌కు చెందిన 4జీబీ ర్యామ్‌, 64జీబీ స్టోరేజ్ మోడల్ ధ‌ర రూ.7,999 ఉండ‌గా అమెజాన్‌లో ఈ ఫోన్‌ను జూన్ 24వ తేదీన మ‌ధ్యాహ్నం 12 గంట‌ల‌కు నిర్వ‌హించే ప్ర‌త్యేక సేల్‌లో విక్ర‌యిస్తారు. అలాగే లావా స్టార్మ్ ప్లే 5జి ఫోన్‌కు చెందిన సింగిల్ వేరియెంట్ 6జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.9,999 ఉండ‌గా ఈ ఫోన్‌ను కూడా అమెజాన్‌లో విక్ర‌యించ‌నున్నారు. జూన్ 19వ తేదీన మ‌ధ్యాహ్నం 12 గంట‌ల‌కు నిర్వ‌హించే ప్ర‌త్యేక సేల్‌లో ఈ మోడ‌ల్‌ను విక్ర‌యిస్తారు. ఈ ఫోన్ల‌కు గాను 1 ఆండ్రాయిడ్ అప్ డేట్‌ను, 2 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తామ‌ని లావా కంపెనీ తెలియ‌జేసింది.