ఇన్స్టాగ్రామ్ గురించి ప్రత్యేకంగా చెప్పాల్సిన పని లేదు. సోషల్ మీడియా నెట్వర్క్గా మాంచి ఫామ్లో ఫేస్బుక్ ఉన్నప్పుడే లైమ్లైట్లోకి వచ్చింది ఇన్స్టాగ్రామ్. కేవలం ఫోటోలు, వీడియోలు షేర్ చేసుకునే నెట్వర్క్గా బాగా ఫేమస్ అయింది ఇన్స్టా. ఎక్కువగా సెలబ్రిటీలు ఇన్స్టాకే మొగ్గు చూపడంతో ఇన్స్టా ఫేమస్ అయిపోయింది.
అయితే.. ఫేస్బుక్లా కాకుండా.. ఇన్స్టాలో ఏదైనా పోస్ట్ పెడితే.. దానికి కేవలం ఒక లవ్ సింబల్(లైక్ బటన్), కామెంట్, షేర్.. అనే మూడు ఆప్షన్లను మాత్రమే ఇచ్చారు. ఇక.. ఇన్స్టా స్టోరీస్లో మాత్రం కొన్ని రకాల ఎమోజీలను పంపే అవకాశం ఉంటుంది. లేదంటే జీఐఎఫ్ ఇమేజ్లను పంపించవచ్చు. కానీ.. పలానా స్టోరీ నచ్చితే.. దానికి లైక్ చేసే ఆప్షన్ లేదు. ఎమోజీని పంపించినా.. ఆ రియాక్షన్ డైరెక్ట్ మెసేజ్లోనే కనిపిస్తుంది.
అయితే.. ప్రస్తుతం ఇన్స్టాగ్రామ్.. స్టోరీస్కు లైక్ ఆప్షన్ను యాడ్ చేసేందుకు వర్క్ చేస్తున్నట్టు తెలుస్తోంది. లైక్ బటన్ను మెయిన్ స్టోరీస్ పేజ్లో యాడ్ చేయనుందట. స్టోరీని యాడ్ చేసిన యూజర్.. తన స్టోరీకి ఎన్ని లైక్స్ వచ్చాయో తెలుసుకోవచ్చు. అలాగే.. ఒక్క యూజర్.. మల్టిపుల్ లైక్స్ను ఇవ్వొచ్చు. తనకు నచ్చితే ఎన్ని లైక్స్ అయినా ఆ స్టోరీకి ఇవ్వొచ్చు. దాని కోసం.. లైక్ బటన్ మీద క్లిక్ చేస్తూనే ఉండాలి. క్లిక్ చేస్తున్న కొద్దీ.. లైక్ కౌంట్ పెరుగుతుంది. అయితే.. స్టోరీస్లో కూడా లైక్ బటన్ను లవ్ సింబల్లోనే ఏర్పాటు చేయాలని ఇన్స్టాగ్రామ్ భావిస్తోందట. అయితే.. ఈ ఫీచర్ ఎప్పుడు అందుబాటులోకి వస్తుందో మాత్రం తెలియనప్పటికీ.. లైక్ బటన్ ఫీచర్ను మాత్రం ఇన్స్టా డెవలప్ చేస్తున్నట్టు తెలుస్తోంది. ఒకవేళ లైక్ బటనే వస్తే.. ఇక.. ఇన్స్టా స్టోరీలు పెట్టే యూజర్లు పెరుగుతారు. తమ స్టోరీని ఎంతమంది లైక్ చేశారో తెలుసుకొని.. దాన్ని బట్టి.. తమ స్టోరీ వాళ్లకు నచ్చిందో లేదో తెలుసుకునే అవకాశం ఉంటుంది.