Visit:
NRI | పెద్ది సుదర్శన్ రెడ్డి మరణం బీఆర్ఎస్ పార్టీకి తీరని లోటు అని బీఆర్ఎస్ ఆస్ట్రేలియా నాయకుడు అనిల్ బైరెడ్డి అన్నారు. ఉద్యమ సమయం నుండి ఎన్నో కీలక పాత్రలు పోషించి వరంగల్ జిల్లాలో ముఖ్యంగా నర్సంపేట నియోజకవర్గంలో పార్టీ పార్టీ బలోపేతానికి ఎంతో కృషి చేశారన్నారు. నర్సంపేట ఎమ్మెల్యేగా ఎన్నో అభివృద్ధి పనులు చేశారని గుర్తు చేశారు. ఈరోజు పార్టీ ఒక ఉద్యమ కారుడిని కోల్పోవడం చాలా బాధ కలిగించిందని పేర్కొన్నారు. కేసీఆర్కు నమ్మిన బంటుగా, వరంగల్ జిల్లాలో బీఆర్ఎస్ పార్టీ బలోపేతానికి ఎంతో కృషి చేశారని తెలిపారు.
కాగా, సుదర్శన్ రెడ్డికి తుది వీడ్కోలు పలికేందుకు వేలాదిగా ప్రజలు నర్సంపేటకు తరలివచ్చారు. అభిమాన నాయకుడిని చివరిసారిగా చూసేందుకు జనం పోటెత్తడంతో పట్టణమంతా జనసంద్రంగా మారింది. పెద్ది అంతిమయాత్ర సందర్భంగా ప్రధాన రహదారులపై సుమారు రెండు కిలోమీటర్ల మేర ట్రాఫిక్ స్తంభించగా, ఎటు చూసినా పెద్ది అభిమానులే కనిపించారు.
