Heart Attack | కానిస్టేబుల్ కూరపాటి రఘు గుండెపోటుతో మృతి

గాంధారి పోలీస్ స్టేషన్లో విధులు నిర్వహిస్తున్న కూరపాటి రఘు (44) మంగళవారం గుండెపోటుతో మృతి చెందారు.

Heart Attack | గాంధారి, జూన్ 9 : గాంధారి పోలీస్ స్టేషన్లో విధులు నిర్వహిస్తున్న కూరపాటి రఘు (44) మంగళవారం గుండెపోటుతో మృతి చెందారు. సోమవారం రాత్రి విధులు నిర్వహించిన రఘు మంగళవారం రోజు ఉదయం విధుల కోసం బాన్సువాడ నుండి గాంధారి పోలీస్ స్టేషన్‌కు వెళ్తుండగా ఒక్కసారిగా వాంతులు చేసుకొని కుప్పకూలిపోయారని అతని బంధువులు తెలిపారు.

గమనించిన బంధువులు వెంటనే ఆసుపత్రికి తరలిస్తుండగా మార్గమధ్యంలో తన తుది శ్వాస విడిచారు. ఆయనకు భార్య, ఇద్దరు కుమార్తెలు ఉన్నారు. రఘు ఆకస్మిక మరణంతో గాంధారి పోలీస్ శాఖలో తీవ్ర విషాదాన్ని నింపింది. విధి నిర్వహణ లో నిబద్ధతతో పనిచేసిన ఆయన మరణం పట్ల సహుద్యోగులు స్థానికులు తీవ్ర దిగ్భ్రాంతి వ్యక్తం చేస్తున్నారు. ఆయన భౌతికాయాన్ని తన స్వగృహానికి బాన్సువాడకి తరలించారు. గాంధారి సీఐ, ఎస్సై, పోలీస్ సిబ్బంది ఆయన భౌతికాయానికి నివాళులర్పించారు.