కిడ్నీ చికిత్సల్లో యశోద రికార్డు

కిడ్నీ చికిత్సల్లో యశోద దవాఖాన హైటెక్‌సిటీ యూనిట్‌ అరుదైన రికార్డు నెలకొల్పినట్టు ప్రముఖ నెఫ్రాలజిస్ట్‌ డాక్టర్‌ రాజశేఖర్‌ చక్రవర్తి తెలిపారు. మంగళవారం శంషాబాద్‌లో ఏర్పాటుచేసిన విలేకరుల సమావేశంలో ఆయన మాట్లాడుతూ..

• బ్లడ్‌గ్రూప్స్‌ వేరైనా ఏబీవో ద్వారా 425 మందికి ఆపరేషన్లు
• విలేకరుల సమావేశంలో డాక్టర్‌ రాజశేఖర్‌ చక్రవర్తి వెల్లడి

శంషాబాద్‌ రూరల్‌, సెప్టెంబర్‌ 22 : కిడ్నీ చికిత్సల్లో యశోద దవాఖాన హైటెక్‌సిటీ యూనిట్‌ అరుదైన రికార్డు నెలకొల్పినట్టు ప్రముఖ నెఫ్రాలజిస్ట్‌ డాక్టర్‌ రాజశేఖర్‌ చక్రవర్తి తెలిపారు. మంగళవారం శంషాబాద్‌లో ఏర్పాటుచేసిన విలేకరుల సమావేశంలో ఆయన మాట్లాడుతూ.. సాధారణంగా కిడ్నీ మార్పిడికి బ్లడ్‌గ్రూప్‌లు కలువడం ప్రధానమని, కానీ యశోద బృందం ఆధ్వర్యంలో బ్లడ్‌గ్రూప్స్‌ వేర్వేరుగా ఉన్న రోగులకు సైతం ఏబీవో ద్వారా విజయవంతంగా కిడ్నీ మార్పిడిలు చేసినట్టు చెప్పారు.

వయస్సుతో సం బంధం లేకుండా ఇప్పటి వరకు 425 మం దికి కిడ్నీ మార్పిడి శస్త్రచికిత్సలు చేయగా, ప్రస్తుతం వారంతా ఆరోగ్యంగా ఉన్నట్టు వెల్లడించారు. డాక్టర్‌ మురళీనాథ్‌ మాట్లాడుతూ.. కిడ్నీ రోగులకు డయాలసిస్‌ అనేది కేవలం తాత్కాలిక ఉపశమనం మాత్రమేనని, కిడ్నీ మార్పిడితోనే శాశ్వత ఉపశమనం లభిస్తుందని తెలిపారు. నాణ్యమైన వైద్యసేవలతో సమస్యలు పరిష్కరిస్తామని చెప్పారు.