Union Bank | యూనియన్‌ బ్యాంక్‌లో 395 ఖాళీలు

Union Bank | యూనియన్‌ బ్యాంక్‌ ఆఫ్‌ ఇండియా దేశవ్యాప్తంగా గల తన శాఖల్లో ఖాళీగా ఉన్న 395 ఆఫీసర్‌ పోస్టులకు నోటిఫికేషన్‌ విడుదల చేసింది.

Union Bank | యూనియన్‌ బ్యాంక్‌ ఆఫ్‌ ఇండియా దేశవ్యాప్తంగా గల తన శాఖల్లో ఖాళీగా ఉన్న 395 ఆఫీసర్‌ పోస్టులకు నోటిఫికేషన్‌ విడుదల చేసింది. దీని ద్వారా మేనేజర్‌, సీనియర్‌ మేనేజర్‌, చీఫ్‌ మేనేజర్‌, అసిస్టెంట్‌ జనరల్‌ మేనేజర్‌, డీజీఎం పోస్టులను భర్తీ చేస్తారు. ఈ పోస్టులకు రెగ్యులర్‌ ప్రాతిపదికన ఎంపిక చేస్తారు.

అర్హతలు
పోస్టును బట్టి ఏదైనా డిగ్రీ, బీకామ్‌, బీఈ/బీటెక్‌, ఎంబీఏ, ఎంసీఏ, సీఏ, సీఎంఏ, సీఎస్‌, ఎంటెక్‌, ఎమ్మెస్సీతో పాటు బ్యాంకింగ్‌లో పని అనుభవం ఉండాలి. పోస్టులను బట్టి 22 నుంచి 50 ఏండ్ల మధ్య ఉండాలి. ఎస్సీ, ఎస్టీలకు ఐదేండ్లు, ఓబీసీలకు మూడేండ్లు, దివ్యాంగులకు పదేండ్లు వయో సడలింపు ఉంటుంది.

ఎంపిక
ఆన్‌లైన్‌లో దరఖాస్తు చేసుకునే ఈ పోస్టులకు అభ్యర్థులను ఆన్‌లైన్‌ పరీక్ష, గ్రూప్‌ డిస్కషన్‌, పర్సనల్‌ ఇంటర్వ్యూ, మెడికల్ ఎగ్జామినేషన్‌, డాక్యమెంట్‌ వెరిఫికేషన్‌ ఆధారంగా ఎంపిక చేస్తారు. ఎంపికైనవారికి పోస్టును బట్టి నెలకు రూ. 64,820 నుంచి రూ. 1,56,500 వరకు జీతం ఉంటుంది.

జూలై 21 నుంచి ప్రారంభమయ్యే దరఖాస్తులను ఆగస్టు 10వ తేదీలోగా చేసుకోవాలి. ఇతర వివరాలకు వెబ్‌సైట్‌ https://www.unionbankofindia.bank.inలో చూడవచ్చు.